Chimaeriformes

Na Galipedia, a Wikipedia en galego.
Quimeras
Hydrolagus colliei
Hydrolagus colliei
Clasificación científica
Reino: Animalia
Filo: Chordata
Subfilo: Vertebrata
Infrafilo: Gnathostomata
Clase: Chondrichthyes
Subclase: Holocephali
Orde: Chimaeriformes
Obruchev, 1953
Familias actuais

Os quimeriformes (Chimaeriformes) son unha orde de peixes cartilaxinosos, o único sobrevivente da subclase Holocephali, que inclúe as quimeras ou tiburóns pantasma. A morfoloxía destes animais coñécese dende finais do devónico, pero no presente só sobreviven 47 especies; porén, a relación das formas fósiles coas actuais é aínda incerta.[1][2]

Características[editar | editar a fonte]

O seu estraño aspecto, no que se aprecia unha gran cabeza protuberante, unha boca que se asemella á dun coello e unha longa cola que lembra á dunha rata, valeulles o nome de quimeras, que toman do monstro da mitoloxía grega formado por partes de diversos animais. Acadan tamaños de até dous metros, dos cales a maior parte corresponden á súa desmesurada cola. Unha espiña venenosa situada diante da aleta dorsal permítelles inxectar veleno a calquera animal que o ataque.

A diferenza das quenllas e as raias, as branquias da quimera están agochadas por unha solapa de pel, análoga ó opérculo dos peixes óseos. Os adultos carecen de espiráculo circular (que estaría derivado da primeira abertura branquial), presente unicamente de xeito temporal no desenvolvemento embrionario.[2] Asemade, a mandíbula superior está fusionada co resto do cranio e presentan orificio anal e uroxenital separados.

Historia natural[editar | editar a fonte]

Aliméntanse de moluscos e outros animais do leito mariño. Reprodúcense pondo ovos envoltos nunha fina e longa cápsula.

Notas[editar | editar a fonte]

  1. Froese, R. & Pauly, D. (Editors). 2009.
  2. 2,0 2,1 Kardong, Kenneth V. "Historia de los vertebrados". Vertebrados. Anatomía comparada, función y evolución. Madrid: McGraw-Hill-Interamericana de España, S. A. U. ISBN 978-84-481-5021-1. 

Véxase tamén[editar | editar a fonte]

Ligazóns externas[editar | editar a fonte]