Chantillí
- Cómpre non confundir con Chantilly (comuna francesa).
O chantillí[1][2] (a partir do francés: crème chantilly, pola vila francesa de Chantilly) é unha crema elaborada con nata batida a punto de neve, con adición de azucre ou aromas (normalmente vainilla), moi utilizada en repostaría e pastelaría. A receita orixinal débese a François Vatel do século XVII. Algúns autores, especialmente franceses, consideran ao chantillí sinónimo de nata batida, outros din que a nata batida non ten que necesariamente ter azucre ou aromas, mentres que o chantillí si[3][4][5][6][7][8].
Utilización e conservación[editar | editar a fonte]
A crema chantillí utilízase en pastelaría para a decoración. É igualmente moi apreciada sobre as copas de xeado e serve tamén para o café vienés: café quente cuberto de chantillí e empoado con flocos ou po de chocolate negro. Consérvase na xeadeira até a súa utilización.
Fóra do ámbito da repostaría, adóitase ver o seu uso en xogos ou preliminares sexuais.
Crema chantillí de chocolate[editar | editar a fonte]
Unha variante da crema chantillí utiliza un chocolate fundido rico en manteiga de cacao no canto da crema de leite ou unha mestura de crema de leite azucrada e de chocolate fundido. A preparación manual é moito máis delicada, porque fai falla arrefriar a mestura aos poucos para evitarmos a solidificación e a aglomeración do chocolate antes de que se forme a escuma.
Notas[editar | editar a fonte]
- ↑ Definición en VV. AA. (2012) Dicionario de alimentación e restauración. Santiago de Compostela, Termigal. Xunta de Galicia. Real Academia Galega
- ↑ Pronunciado <xantillí>
- ↑ recipe entitled "Crème fouettée et crème Chantilly", in Robert J. Courtine, ed., Curnonsky: Cuisine et Vins de France, Larousse, 1974, p. 535
- ↑ Le Petit Robert (1972): "Crème fouettée, dite aussi crème Chantilly"
- ↑ La Grande Encyclopédie (1902)
- ↑ Trésor de la langue française, s.v. crème full text
- ↑ Paul Bocuse, La cuisine du marché (1980), p. 414: "Crème Chantilly (crème fouettée)"
- ↑ Émile Bernard Urbain Dubois, La Cuisine classique: études pratiques, raisonnées et démonstratives de l'Ecole française appliquée au service à la russe, 1868, p. 122: "La chantilly n'est autre chose que la crème double, amenée à consistance, et rendue mousseuse par le travail du fouet et l'action de l'air."