Cerceta americana

Cerceta americana
Nome taxon     Anas carolinensis Johann Friedrich Gmelin 1789  Nome curto     A. carolinensis (mul)
Instancia de taxon  Categoría taxonómica especie
Sinonimia Anas crecca carolinensis Nettion carolinensis
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Aves Orde Anseriformes Familia Anatidae Xénero Anas Especie Anas carolinensis Gmelin, 1789 Anas carolinensis
Localización  Área de distribución África  Mapas
Fontes e ligazóns Freebase /m/01hllt ITIS 714089 OTT 656780 UICN 22729498 CoL DGN9 EOL 45510573
Wikidata G:Commons C:Commons

A cerceta americana (Anas carolinensis ou Anas crecca carolinensis) é un pato que cría no norte do subcontinente norteamericano, agás as illas Aleutianas. A súa clasificación como especie separada da cerceta é aínda discutida e, por exemplo, a IUCN e BirdLife International (BirdLife International, 2004) non a consideran como diferentes. Outras autoridades si que o fan, baseándose en características de conduta (Laurie-Ahlberg & McKinney, 1979), morfolóxicas (Livezey, 1991), e moleculares (Johnson & Sorenson, 1999) (analizadas por Sangster et al., 2002).

Descrición

Son os patos máis pequenos de Norteamérica, moi semellantes de aspecto á cerceta (Anas crecca). Os machos reprodutores teñen o lombo e os vaos grises, cun espello verde coa beira branca. A cabeza é castaña cunha mancha ocular verde. Diferéncianse dos machos da cerceta eurasiática por unha faixa branca vertical na beira do papo e pola falta dunha faixa escapular e das liñas finas da cor do ante na cabeza. As femias son marróns claras, moi dificilmente diferenciables das da cerceta. Os machos en plumaxe de eclipse son moi semellantes ás femias.

Hábitat e conduta

E unha ave de zonas acuáticas planas con vexetación, coma as pozas da taiga, que se alimenta pacendo ou arrincando plantas na auga. Fan os niños no chan, preto da auga e protexidos pola vexetación.

Son aves migratorias que pasan o inverno na parte meridional da súa área de cría. Fóra da época reprodutora son moi gregarias e forman grandes bandos.

O seu estado de conservación non está evaluado pola IUCN por non considerala unha especie separada, pero a súa abundancia fai que pareza axeitado non considerala unha especie ameazada: nas Marismas Nacionales do oeste de México vese en gran número.