Cerámica e mosaicos do Hospital de la Santa Creu i Sant Pau

Na Galipedia, a Wikipedia en galego.
Saltar ata a navegación Saltar á procura

Coordenadas: 41°24′46″N 2°10′28″L / 41.412778, 2.174444

As cubertas dos pavillóns fan destacar a exuberante aplicación da cerámica para decorar o recinte.

A decoración en cerámica e mosaicos do Hospital de la Santa Creu i Sant Pau de Barcelona é moi extensa e destaca sobre o resto de técnicas artesás aplicadas dentro do recinto.

A decoración con mosaicos atópase principalmente no edificio de administración, un pavillón destinado a localizar as áreas non vinculadas coa atención ós doentes. Na parte exterior do edificio, unha serie de dezaseis plafóns sobre a historia da fundación do hospital, e no interior un múltiple temario ornamental que se estende polos pavimentos, muros, teitos e columnas do planta inferior e do primeiro andar, onde se atopan as salas nobres. No resto do hospital, o mosaico emprégase en menor medida.

Domènech i Montaner utilizou a cerámica de xeito intensivo no interior dos pavillóns dedicados ós doentes. No exterior, aplícase con funcións decorativas, con cerámica pintada sobre portas e fiestras, ou con elementos corpóreos de cerámica vidriada en pináculos e cheminea. Xunto coas pezas policromadas dos teitos en forma de escamas, estas pezas amosan o interese do arquitecto pola busca de formas e motivos plenamente modernistas.

O Hospital de la Santa Creu i Sant Pau é un conxunto modernista situado en Barcelona, proxectado polo arquitecto Lluís Domènech i Montaner e construído entre 1902 e 1930 nunha primeira fase polo mesmo Domènech i Montaner e nunha segunda, a partir de 1920, polo seu fillo Pere Domènech i Roura.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]