Celso Delgado

Celso Delgado
Nacemento	23 de febreiro de 1958
Lugar de nacemento	Ourense
Nacionalidade	España
Alma máter	Universidade de Santiago de Compostela
Ocupación	político
Na rede
http://www.celsodelgado.gal
[ editar datos en Wikidata ]

Celso Luis Delgado Arce, nado o 23 de febreiro de 1958 en Ourense, é un político e avogado galego.

Traxectoria

Licenciado en Dereito pola Universidade de Santiago de Compostela, é un avogado especialista en xestión económica. Ten un máster en administración de empresas na especialidade de distribución comercial e foi asistente do secretario da Cámara Oficial de Comercio e Industria de Ourense.

Militante do Partido Popular de Galicia, en 1997 presentouse nas listas provinciais ás eleccións galegas, e saíu elixido parlamentario. Ocupou a vicepresidencia do Parlamento de Galicia ata o ano 2000, cando abandonou o escano para encabezar as listas pola Provincia de Ourense do seu partido nas xerais do 2000. Saíu elixido deputado, reelixido en 2004, 2008 e 2011. Volveu figurar nas listas do PPdeG ao Congreso dos Deputados nas eleccións xerais de 2015, se ben neste caso de número dous.

Foi nomeado Xuíz Honorario do Couto Mixto en 2008.

Véxase tamén

Outros artigos

• Lista de deputados galegos no Congreso desde a Transición

Ligazóns externas

• Ficha no Congreso dos DeputadosArquivado 21 de outubro de 2020 en Wayback Machine.