Celeiro de Mariñaos, Barreiros

Na Galipedia, a Wikipedia en galego.
Celeiro de Mariñaos
Santa Cristina de Celeiro de Mariñaos. Detalle.jpg
Igrexa de Santa Cristina de Celeiro de Mariñaos. Detalle.
Concello Barreiros
Poboación 177 hab. (2014)
Entidades de poboación 5

Santa Cristina de Celeiro de Mariñaos é unha parroquia que se localiza no concello de Barreiros. Segundo o padrón municipal de 2004 tiña 229 habitantes (116 mulleres e 113 homes), distribuídos en 5 entidades de poboación, o que supón unha diminución en relación ao ano 1999 cando tiña 255 habitantes. Segundo o IGE, no 2014 a súa poboación descendera ata os 177 habitantes, sendo 91 homes e 86 mulleres.

Patrimonio cultural[editar | editar a fonte]

Igrexa parroquial[editar | editar a fonte]

A igrexa parroquial é do século XVIII, segundo consta sobre a porta princial. Antigamente o cemiterio atopábase no propio atrio da igrexa pero trasladouse a finais do século XIX ou principios do século XX. Hoxe en día aínda son visibles dous nichos é unha lápida na que aparece grabada unha inscrición en castelán extraída do segundo Libro dos Macabeos, capitulo 12:

Santa y Saludable es la memoria de los difuntos, le pedimos a Dios que sus pecados sean perdonados
Lib Macab cap 12

Lendas[editar | editar a fonte]

O tesouro de Maeloc[editar | editar a fonte]

Celeiro de Mariñaos esténdese ós pes do Monte Cornería, un dos puntos máis altos desta zona da Mariña. Ali disque foi soterrado, a gran profundidade, un baúl de ouro cunha pedra azul de poderes máxicos pertencente ó bispo bretón Maeloc.

Festas[editar | editar a fonte]

As festas na parroquia de Celeiro de Mariñaos son o 24 e 25 de Xulio, na honra da súa patroa Santa Cristina de Bolsena e o patrón de Galicia: Santiago. Ademais na segunda fin de semana de agosto ten lugar a Romería de San Caetano - Festa da Tortilla, nas inmediacións da capela de San Caetano e Virxe da Espiña.

Durante os últimos catro anos vén tendo lugar ó pe do río Masma o Festival Ao Son do Masma, unha cita coa música tradicional e a artesanía. O Festival ten lugar no primeiro fin de semana de xuño, aínda que a edición de 2015 foi posposta ata setembro.

Lugares e parroquias[editar | editar a fonte]

Lugares de Celeiro de Mariñaos[editar | editar a fonte]

Lugares da parroquia de Celeiro de Mariñaos no concello de Barreiros (Lugo)

O Barral | O Carballo Branco | Rexa | As Saíñas | Xunto á Igrexa

Parroquias de Barreiros[editar | editar a fonte]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Modelo:Cita Madoz

Outros artigos[editar | editar a fonte]