Cecil Hepworth

Cecil Hepworth

Biografía
Nacemento	19 de marzo de 1874 Lambeth, Reino Unido (pt)
Morte	9 de febreiro de 1953 (78 anos) Greenford, Reino Unido (en)
Actividade
Ocupación	director de cinema, guionista, produtor de cinema, director de fotografía
Familia
Cónxuxe	Margaret Hepworth
Descrito pola fonte	Obálky knih,

Cecil Milton Hepworth, nado en Lambeth (Londres) o 19 de marzo de 1874 e finado en Greenford (Middlesex) o 9 de febreiro de 1953 foi un director de cinema e produtor británico. Foi un dos fundadores do cinema británico e continuou realizando filmes ata a década de 1920 nos Walton Studios.

Traxectoria

Nado en Lambeth, o seu pai Thomas Cradock Hepworth foi un famoso showman da lanterna máxica e escritor. Cecil Hepworth viuse involucrado nas primeiras épocas da industria cinematográfica británica, traballando para Birt Acres e Charles Urban, e escribiu o primeiro libro británico sobre a materia en 1897. Co seu primo Monty Wicks creou a compañía produtora Hepworth and Co. (tamén coñecida como "Hepwix" polo seu logotipo), logo renomeada Hepworth Manufacturing Company (oficialmente: Hepworth Film Manufacturing Company), e despois Hepworth Picture Plays. En 1899 construíron un pequeno estudio en Walton-on-Thames, Hepworth Studios. A compañía producía uns tres filmes cada semana, en ocasións con Hepworth como director.

Rescued by Rover (1905), codirixido con Lewin Fitzhamon e protagonizado por un collie foi un éxito financeiro. Hoxe en día recoñécese como un desenvolvemento importante na gramática fílmica, con tomas combinadas con eficacia para salientar a acción. Hepworth foi un dos primeiros en recoñecer o potencial das estrelas cinematográficas, tanto animais como humanas, con varias personaxes recorrentes nalgúns dos seus filmes.

Arredor de 1910, Hepworth foi o inventor de Vivaphone, sistema pioneiro para engadir son aos filmes. O aparato empregaba discos de fonógrafo para gravar e reproducir o son. Vivaphone foi distribuído no Reino Unidos e tamén nos Estados Unidos e o Canadá.

A compañía continuou realizando filmes populares durante a década de 1920, a pesar do estilo cada vez máis anticuado dos filmes de Hepworth. Estimulado polo éxito internacional de Alf's Button (1919), a compañía buscou fondos para investir no desenvolvemento dun grande estudio. Fracasou no intento de lograr o capital necesario e tamén sufriu un revés comercial con Comin' Thro the Rye (1923), e o ano seguinte a compañía caeu na bancarrota. Todos os negativos orixinais en poder de Hepworth foron fundidos para vender a prata e as súas longametraxes consideráronse perdidas durante varias décadas. Porén, atopouse un orixinal en 35mm do seu filme de 1920 Helen of Four Gates nun arquivo de Montreal en 2008.

Filmografía

• 1897: The Egg-Laying Man
• 1900: The Beggar's Deceit
• 1900: How It Feels to Be Run Over
• 1900: Explosion of a Motor Car
• 1903: Alice in Wonderland
• 1905: Rescued by Rover
• 1905: Baby's Toilet
• 1913: David Copperfield
• 1915: The Baby on the Barge
• 1916: Annie Laurie
• 1919: City of Beautiful Nonsense
• 1919: Broken in the Wars
• 1919: The Forest on the Hill
• 1920: Helen of Four Gates
• 1921: The Narrow Valley
• 1921: Tansy
• 1921: Wild Heather
• 1923: Comin' Thro the Rye
• 1923: Mist in the Valley

Véxase tamén

Bibliografía

• Came the Dawn, Cecil Hepworth. Londres: Phoenix House, 1951.
• Raising the Flag: Constructing a National Cinema in Britain, Andrew Higson. Oxford: Clarendon Press, 1995, ISBN 0-19-812369-8. Chapter on Comin' Thro' The Rye: pp. 26–97.

Ligazóns externas

• Cecil Milton Hepworth en Victorian-cinema.net
• Cecil Hepworth na IMDb (en inglés).