Thomas Cavalier-Smith

Na Galipedia, a Wikipedia en galego.
(Redirixido desde "Cavalier-Smith")
Thomas Cavalier-Smith
Datos persoais
Nacemento 21 de outubro de 1942
Nacionalidade anglo-canadense
Actividade
Campo Bioloxía, Protozooloxía
Contribucións e premios

Thomas Cavalier-Smith, nado o 21 de outubro de 1942, é un biólogo anglo-canadense, profesor titular de Bioloxía Evolutiva do departamento de Zooloxía da Universidade de Oxford e presidente da British Society for Protist Biology.

Está considerado como o principal protozoólogo do mundo e foi o responsábel dunha mellor comprensión do tronco da árbore da vida, que é a filoxenia profunda. Estableceu máis novas clases e filos que calquera biólogo na historia. (ver imaxe)

No 2004 outorgáronlle o Premio Internacional de Bioloxía e, en 2007, a Medalla Lineana de Zooloxía e mais o o Premio Frink.

Traxectoria[editar | editar a fonte]

Crítico coas clasificacións clásicas dos seres vivos, gusta de atacar as ideas que considera equivocadas. Para isto, realizou numerosas publicacións sobre a clasificación filoxenética e a orixe evolutiva dos seres vivos, especialmente de todos aqueles que non podemos ver a simple vista, como protistas e bacterias. Para isto baseose no entendemento das principais transicións evolutivas, como a orixe dos eucariotas, a evolución molecular, a bioloxía celular, a ultraestrutura, a ecoloxía, a taxonomía, o rexistro fósil etc.

O seu laboratorio enfócase na evolución e a bioxeografía de protozoos, en especial ameboides e flaxelados de vida libre, usando o cultivo celular, a secuenciación de ADN (xenes e xenomas), a bioinformática e a microscopia de luz e electrónica.

Os seus intereses teóricos son moito máis amplos, chegando á diversificación dos principais grupos bacteriais e eucariotas.

Un dos seus traballos máis importantes é a teoría dos seis reinos, dividindo en 1981 a Protista en dous novos reinos: Chromista e Protozoa, cambiando a clasificación de Margulis grosso modo. Propón a Protozoa como un reino basal do que se orixinaron os demais reinos eucariotas superiores, dous heterótrofos: Animalia e Fungi, e dous autótrofos: Plantae e Chromista, este último aínda en debate e que corresponde a algas con c e organismos emparentados non fotosintetizadores. Divide a Protozoa nos supergrupos: Alveolata, Rhizaria, Excavata, Amoebozoa e Choanozoa, considerando a Chromista e Alveolata cun antepasado común: Chromalveolata, teoría que apoiaron despois estudos moleculares e morfolóxicos.

Tratou nas súas publicacións temas como a endosimbiose, a orixe dos orgánulos celulares ou o tamaño do xenoma.

Outro estudo importante refírese ao desenvolvemento evolutivo dos procariontes, aos que agrupa nun único reino, Bacteria, o cal ten un subreino basal ou ancestral: Negibacteria, das bacterias gramnegativas, as cales diverxeron por perda da membrana externa en Unibacteria (bacterias grampositivas) e estas á súa vez no clado Neomura, que finalmente daría orixe a dous clados irmáns: Archaebacteria e Eukaryota, os cales son moito menos antigos que as primeiras bacterias.

Os seus estudos foron sumamentemente controvertidos, porén na súa maior parte veñen sendo aceptados gradualmente pola comunidade científica.

Principais publicacións[editar | editar a fonte]

Abreviaturas[editar | editar a fonte]

A abreviatura Caval.-Sm. emprégase para indicar a Thomas Cavalier-Smith como autoridade na descrición e clasificación científica dos vexetais. (Véxase listado de todos os xéneros e especies descritos por este autor no IPNI).[1]

A abreviatura Cavalier-Smith emprégase para indicar a Thomas Cavalier-Smith como autoridade na descrición e taxonomía en zooloxía.

Notas[editar | editar a fonte]

  1. Índice Internacional de Nomes das Plantas.

Véxase tamén[editar | editar a fonte]

Ligazóns externas[editar | editar a fonte]