Categoría Primera A

Categoría Primera A

Tipo	liga de fútbol
Organizador	Divisão Maior do Futebol Colombiano (pt)
Liga superior	Copa Libertadores
Liga inferior	Campeonato Colombiano de Futebol – Segunda Divisão (pt)
Número de participantes	20
Localización  e  Datas
País	Colombia
Vixencia	1948 –
Calendario da tempada	febreiro –
Período de ocorrencia	1 ano
Outro
Páxina web oficial	dimayor.com.co

A Categoría Primera A é a primeira división da liga profesional de fútbol que se disputa en Colombia, organizada pola División Mayor del Fútbol Colombiano "Dimayor", que pertence á Federación Colombiana de Fútbol.

A primeira edición do campionato colombiano disputouse no ano 1948, composta por 12 equipos; con 2 equipos de Bogotá, 2 de Cali, 2 de Medellín, 2 de Manizales, 1 de Barranquilla e 1 de Pereira; resultando campión o Santa Fe CD de Bogotá. Dende 1948 até 2023 15 clubs teñen acadado polo menos 1 título de campión, sendo os máis laureados o Atlético Nacional de Medellín, con 17 títulos, o Millonarios de Bogotá, con 16 títulos, e o América de Cali con 15 títulos. O actual campión é o Millonarios.

Dende 2002 dispútanse dous torneos por tempada, Apertura e Finalización, saíndo dous equipos campións cada ano. Cada torneo componse por unha tempada regular de 18 xornadas, nas que cada equipo enfróntase unha vez cos outros 17, mais un encontro extra de rivalidade rexional. Trala tempada regular os 8 primeiros equipos da táboa clasificatoria dispútanse o título nas eliminatorias finais. As eliminatorias polo título parten da rolda de cuartos de final, e son a ida e volta, incluída a propia final.

Os equipos campións do torneo Apertura e do torneo Finalización, así como o restante equipo que máis puntos acada na suma dos 2 torneos, teñen dereito a disputar a Copa Libertadores no ano seguinte.

A representación dos equipos da liga colombiana na máxima competición continental ó longo da historia foi pouco salientable. Dende 1960 até 2016 houbo 10 finais da Copa Libertadores con presenza de equipos desta liga, das cales só 3 remataron coa vitoria colombiana, en 1989 e 2016 (Atlético Nacional), e 2004 (Once Caldas).

Equipos 2012

Estadio Pascual Guerrero de Cali.

Estadio Nemesio Camacho en Bogotá.

Na táboa de equipos que participarán polo título do torneo Apertura 2012 cabe salientar a ausencia do CD América, que descendeu de categoría en 2011.

Equipo	Cidade	Estadio	Capacidade
Atlético Huila	Neiva	Estadio Guillermo Plazas Alcid	27.000
Atlético Nacional	Medellín	Estadio Atanasio Girardot	40.943
Boyacá Chicó	Tunja	Estadio de La Independencia	20.000
Cúcuta Deportivo	Cúcuta	Estadio General Santander	45.000
Deportes Quindío	Armenia	Estadio Centenario	20.716
Deportes Tolima	Ibagué	Estadio Manuel Murillo Toro	31.000
Deportivo Cali	Cali	Estadio Deportivo Cali	55.000
Deportivo Pasto	Pasto	Departamental Libertad	27.380
Envigado FC	Envigado	Estadio Polideportivo Sur	14.000
Independiente Medellín	Medellín	Estadio Atanasio Girardot	40.943
Itagüí Ditaires	Itagüí	Estadio Metropolitano Ciudad de Itagüí	12.000
Junior	Barranquilla	Estadio Metropolitano Roberto Meléndez	46.788
La Equidad	Bogotá	Estadio Metropolitano de Techo	10.000
Millonarios	Bogotá	Estadio Nemesio Camacho El Campín	36.343
Once Caldas	Manizales	Estadio Palogrande	28.678
Patriotas	Tunja	Estadio de La Independencia	20.000
Real Cartagena	Cartaxena	Olímpico Jaime Morón León	16.068
Santa Fe	Bogotá	Estadio Nemesio Camacho El Campín	36.343

Palmarés

Na seguinte táboa amósase o palmarés da liga colombiana de fútbol segundo o número de títulos acadados por cada club. No caso de igual número de campionatos obtidos, vai en primeiro lugar o equipo con máis subcampionatos. Así, Junior ten 10 subcampionatos, mentres Santa Fe ten 6.

Nº Títulos	Equipo	Campionatos obtidos
17	Atlético Nacional	1954, 1973, 1976, 1981, 1991, 1994, 1999, Ap-2005, Ap-2007, Fi-2007, Ap-2011, Ap-2013, Fi-2013, Ap-2014, Fi-2015, Ap-2017, Ap-2022
16	Millonarios	1949, 1951, 1952, 1953, 1959, 1961, 1962, 1963, 1964, 1972, 1978, 1987, 1988, Fi-2012, Fi-2017, Ap-2023
15	América de Cali	1979, 1982, 1983, 1984, 1985, 1986, 1990, 1992, 1996/97, 2000, 2001, Ap-2002, Fi-2008, Fi-2019, 2020
10	Deportivo Cali	1965, 1967, 1969, 1970, 1974, 1995-96, 1998, Fi-2005, Ap-2015, Fi-2021
9	Junior	1977, 1980, 1993, 1995, Fi-2004, Ap-2010, Fi-2011, Fi-2018, Ap-2019
9	Santa Fe	1948, 1958, 1960, 1966, 1971, 1975, Ap-2012, Fi-2014, Fi-2016
6	Deportivo Independiente Medellín	1955, 1957, Fi-2002, Ap-2004, Fi-2009, Ap-2016
4	Once Caldas	1950, Ap-2003, Ap-2009, Fi-2010
3	Deportes Tolima	Fi-2003, Ap-2018, Ap-2021
1	Deportivo Pasto	Ap-2006
1	Deportes Quindío	1956
1	Cúcuta Deportivo	Fi-2006
1	Unión Magdalena	1968
1	Boyacá Chicó	Ap-2008
1	Deportivo Pereira	Fi-2022

Véxase tamén

Ligazóns externas

• Páxina da División Maior do Fútbol Colombiano (en castelán)