Castro de Forxán

Castro de Forxán
Viceso
Instancia de castro
Localización  Situado en Viceso, Brión, provincia da Coruña, Galicia, España Mapa  42°52′42″N 8°45′20″O
Wikidata

O castro de Forxán é un castro situado na parroquia de Viceso, no concello coruñés de Brión.

Morfoloxía

Consta dun recinto fortificado oblongo e de forma oval no eixo nordeste-suroeste, situado á marxe do río Tambre. Os desniveis son máis acusados na banda norte que no poñente, mentres que polo nordeste, ó pé duns terrapléns exteriores moi acusados, as defensas están moi deterioradas. O parapeto presenta unha altura no seu nivel interior de 2,5 metros e ten uns 3 metros de espesor. O outeiro no que está o recinto ten un cumio plano e circular situado a uns 190 metros sobre o nivel do mar.

As dimensións do recinto son duns 90 metros no eixo norte-sur e duns 70 no eixo este-oeste.

Conservación

O recinto está cuberto de piñeiros, toxos e xestas, así como abundante matogueira. O seu parapeto defensivo presenta numerosas fendas estruturais.

Arqueoloxía

Non se ten noticia de que se realizasen campañas arqueolóxicas.

Véxase tamén

Outros artigos

• Cultura castrexa
• Castros da provincia da Coruña

Ligazóns externas

• Catálogo de bens culturaisArquivado 05 de marzo de 2016 en Wayback Machine.. PXOM de Brión. Xuño do 2003.