Castro de Altamira, Brión

Para outras páxinas con títulos homónimos véxase: Castro de Altamira.

Castro de Altamira, Brión
Brión
Instancia de castro
Localización  Situado en Brión, Brión, provincia da Coruña, Galicia, España Mapa  42°52′39″N 8°41′16″O
Id. catálogo	GA15013002
Wikidata

O castro de Altamira é un castro situado na parroquia de Brión, no concello coruñés de Brión. Este foi o lugar no que logo se construíron as Torres de Altamira.

Morfoloxía

Consta dun recinto fortificado no que é moi difícil afirmar con seguridade cales das estruturas visibles son da Idade de Ferro, dadas as modificacións realizadas en época posterior. Na Idade Media foi erguida sobre a súa croa unha fortaleza da que hoxe quedan as ruínas, reutilizando parte das defensas castrexas: esta fortaleza recibe habitualmente o nome de Torres de Altamira. No flanco norte consérvase parte dos antigos parapetos defensivos, no lugar no que foi aberto un camiño para dar acceso ao recinto.

A súa localización ten lugar sobre un couto elevado que ten boas condicións naturais defensivas. Dous regatos rodean o recinto.

Imaxe do camiño de acceso entre as defensas do castro

Arqueoloxía

Non se ten noticia de que se teñan realizado campañas arqueolóxicas.

Véxase tamén

Outros artigos

• Castro
• Cultura castrexa
• Castros da provincia da Coruña

Ligazóns externas

• Catálogo de bens culturaisArquivado 05 de marzo de 2016 en Wayback Machine.. PXOM de Brión. Xuño do 2003.