Castro da Braña

Castro da Braña
Tipo	castro
Conservación	destruído
Localización
43°07′50″N 8°17′10″O
Estado	España
Comunidade autónoma	Galicia
Provincia	provincia da Coruña
Concello	Mesía
Parroquia	Visantoña
Datas
Ocupación	Idade de ferro
Dimensións
Superficie	0,52
Patrimonio cultural
Id. catálogo	GA15026010
[ Wikidata ]

O Castro da Braña é un poboado castrexo situado no lugar das Painceiras nos lindes da parroquia de Visantoña (Mesía) con Filgueira de Traba (Oza-Cesuras).

Morfoloxía

O castro apréciase que ten unha forma ovalada e que abrangue 84 por 62 metros, sendo os dous eixos en dirección LSL-ONO e SSE-NNO. Orixinariamente debeu ser de menor tamaño. Conserva un parapeto nunha zona pequena do norte dunhas dimensións de 2 metros de altura no interior e uns 3 metros no exterior. O foxo, que semella que circundaba a totalidade do castro, non supera o metro de profundidade. Un corte do parapeto permite ver a súa estrutura interna e que se trata dunha mestura de pedras de xisto e terra. Os terrapléns que se conservan son pequenos, entre o metro e os dous metros, e só parecen ser maiores no noroeste, onde poderían acadar os 3 metros de altura.

Arqueoloxía

Non se ten noticia de que se realizasen campañas arqueolóxicas. Na actualidade non se pode visitar.

Conservación

Obras de achanzamento e actividades agrícolas destruíron case todo o recinto, sendo o estado de conservación pésimo.

Véxase tamén

Outros artigos

• Cultura castrexa
• Castros da provincia da Coruña