Carmina Virgili
  | |
| Biografía | |
|---|---|
| Nacemento | (ca) Carmina Virgili i Rodón 19 de xuño de 1927 Barcelona, España |
| Morte | 21 de novembro de 2014 (87 anos) Barcelona, España |
 Senadora de España | |
| 1996 – 2000 Circunscrición electoral: Barcelona | |
| Secretario de Estado de España | |
| 1982 – 1985 | |
| Catedrático de universidade | |
| 1963 – | |
| Datos persoais | |
| País de nacionalidade | España |
| Educación | Universidade de Barcelona |
| Actividade | |
| Lugar de traballo | Facultad de Ciencias Geológicas (Universidad Complutense de Madrid) (en)  Universidade de Oviedo Colexio de España en París |
| Ocupación | xeóloga , política |
| Empregador | Colexio de España en París, directora (1987–1996) Universidade Complutense de Madrid, catedrático de universidade (1968–1996) Universidade de Oviedo, catedrático de universidade (1963–1968) |
| Membro de | |
| Lingua | Lingua catalá e lingua castelá |
| Obra | |
| Doutorando | Ana Márquez-Aliaga (en) e Salvador Reguant Serra |
Premios | |
Carmina Virgili Rodon, nada en Barcelona o 19 de xuño de 1927 e finada o 21 de novembro de 2014,[1][2] foi unha xeóloga, científica e política española.
Traxectoria[editar | editar a fonte]
Considerada discípula de Lluis Solé i Sabarís, é doutora en Ciencias Naturais pola Universidade de Barcelona desde 1956. Especializouse en sedimentoloxía e estratigrafía do Triásico e Pérmico. Foi profesora da Facultade de Ciencias Xeolóxicas e investigadora do CSIC. En 1963 obtén a cátedra de Estratigrafía da Universidade de Oviedo -foi a primeira muller catedrática nesa universidade, e a terceira de España- e posteriormente a da Complutense de Madrid. Foi decana da Facultade de Ciencias Xeolóxicas e foi membro fundador do Grupo Español de Sedimentoloxía e do Grupo Mesozoico. Realizou unha estancia como profesora asociada na Universidade de Estrasburgo (1974), foi vicepresidenta da Société Géologique de France e membro da Real Academia de Ciencias e Artes de Barcelona, do Consello Social do CIRIT e do Observatori de Bioètica i Dret. Foi a primeira muller en formar parte da Xunta Directiva da Sociedad Española de Mecánica de Rocas.
Foi secretaria de Estado de Universidades e Investigación no primeiro goberno presidido por Felipe González e tivo como xefe de gabinete a Alfredo Pérez Rubalcaba.[3] En 1987 foi nomeada directora do Colexio de España de París, cargo que ocupou ata 1996.[4] Nas eleccións xerais españolas de 1996 foi elixida senadora como candidata do PSC pola provincia de Barcelona .
Entre as distincións recibidas está a de oficial da Lexión de Honra (Francia). En 1995 recibiu a Creu de Sant Jordi, en 2011 a Medalla de Ouro da Universidade de Barcelona e en 2013 a Medalla de Honra da Universidade Complutense.[5]
Obra[editar | editar a fonte]
- El Triásico de los Catalánides. 856 páxs. Madrid (1958)
- El fin de los mitos geológicos, Lyell. Nivola Libros y Ediciones, SL 320 páxinas. Madrid (2003) ISBN 978-84-95599-44-5
- La Geologia : dels mites a la Ciència (2004) sobre Charles Lyell
Notas[editar | editar a fonte]
- ↑ "CARMINA VIRGILI RODÓN (BARCELONA, 1927-2014)". Arquivado dende o orixinal o 16 de xullo de 2016. Consultado o 18 de abril de 2015.
- ↑ Fallece Carmina Virgili, la primera mujer catedrática de la Universidad de Oviedo La Nueva España. 24 de novembro de 2014.
- ↑ Pérez Rubalcaba, A. (24 de novembro de 2014). "Carmina Virgili, defensora de la libertad y la inteligencia". El País. Consultado o 26 de novembro de 2014.
- ↑ Martínez de Villarreal, J. A. (26 de novembro de 2014). "Mi adiós a Carmina Virgili". El País. Consultado o 26 de novembro de 2014.
- ↑ Universidad de Barcelona «La geóloga Carmina Virgili, Medalla de Honor de la Universidad Complutense de Madrid». Noticias, 22 de xaneiro de 2013 (Consultado o 12 de decembro de 2014)
Véxase tamén[editar | editar a fonte]
Bibliografía[editar | editar a fonte]
- Rosa María Mateos, Ana Ruiz Constán (2021). Geas: Mujeres que Estudian la Tierra. Asociación de Servicios de Geología y Minería Iberoamericanos, Federación Europea de Geólogos, 2021. ISBN: 978-84-09-30001-3
Ligazóns externas[editar | editar a fonte]
- Carmina Virgili i Rodón un camnio hacia la democracia na páxina web Mujeres y geología
- Carmina Virgili i Rodón, geóloga no blog Mujeres con ciencia
