Carmen Montón

Carmen Montón

(2018)
Biografía
Nacemento	(es) Carmen Montón Giménez 9 de marzo de 1976 (49 anos) Burjassot, España
Ministra de Sanidade, Consumo e Benestar Social
7 de xuño de 2018 – 11 de setembro de 2018 ← Dolors Montserrat – María Luisa Carcedo → Membro do gabinete: Primeiro Goberno de Pedro Sánchez Nomeado por: Pedro Sánchez
16ª Conselleira de Sanidade Universal e Saúde Pública
29 de xuño de 2015 – 6 de xuño de 2018 ← Manuel Llombart Fuertes – Ana Barceló Chico → Lexislatura: IX Lexislatura da Comunidade Valenciana Membro do gabinete: Puig Government (en) Nomeado por: Ximo Puig
Deputada de España
5 de decembro de 2011 – 30 de xuño de 2015 – Josep Santamaría → Lexislatura: X lexislatura de España Circunscrición electoral: Valencia Electa en: Eleccións Xerais 2011 en España
Deputada de España
26 de marzo de 2008 – 13 de decembro de 2011 Lexislatura: IX lexislatura de España Circunscrición electoral: Valencia Electa en: Eleccións Xerais 2008 en España
Deputada de España
30 de marzo de 2004 – 15 de xaneiro de 2008 Lexislatura: VIII lexislatura de España Circunscrición electoral: Valencia Electa en: eleccións xerais de España de 2004
Concelleira do concello de Burjassot
4 de xullo de 1999 – 14 de marzo de 2004 Electa en: eleccións municipais de España de 1999, eleccións municipais de España de 2003
Datos persoais
Educación	Universidade de Valencia Universidade Rei Xoán Carlos
Actividade
Lugar de traballo	Madrid
Ocupación	política
Partido político	Partido Socialista Obreiro Español
Premios
(2021)  Gran Cruz da Orde de Carlos lll

Carmen Montón Giménez, nada en Burjassot (Valencia) o 9 de marzo de 1976, é unha política española, membro do PSOE e exministra de Sanidade, Consumo e Benestar Social do Goberno de España. É defensora da sanidade pública e universal.

Traxectoria

Licenciada en Medicina pola Universidade de Valencia, aínda que non chegou nunca a exercer e máster en Estudos Interdisciplinares de Xénero, pola Universidade Rei Xoán Carlos. Afiliouse aos 16 anos ás Xuventudes Socialistas de España (XSE), organización á que pertenceu ata 2007.

Montón foi concelleira de Cultura no concello da súa localidade natal, Burjassot, de 1999 a 2004. Durante esta etapa tamén foi Secretaria de Movementos Sociais e ONG no PSPV-PSOE (2000-2004). Entre o 2 de abril de 2004 e o 30 de xuño de 2015 foi deputada no Congreso pola provincia de Valencia.

Entre 2014 e 2016 foi Secretaria de Igualdade do PSOE. Desde xuño de 2015 ata 2018 foi conselleira autonómica de Sanidade Universal e Saúde Pública da Generalitat Valenciana, no goberno de Ximo Puig. Durante o seu mandato tomou diversas medidas de relevancia política como o retorno á xestión pública do Hospital de la Ribera, hospital emblemático do coñecido como modelo Alzira, desde abril de 2018; a devolución do dereito á sanidade aos inmigrantes irregulares; a compensación do copago farmacéutico aos xubilados e o retorno aos tratamentos de reprodución a lesbianas e mulleres soas.

O 7 de xuño de 2018 tomou posesión como ministra de Sanidade, Consumo e Benestar Social do goberno de Pedro Sánchez, despois de prosperar a moción de censura contra Mariano Rajoy.

Montón presentou a súa dimisión debido a acusacións públicas falsas relacionadas co seu máster na Universidade Rey Xoán Carlos, aínda que máis tarde foi declarada inocente e o caso foi arquivado. Foi substituída por María Luisa Carcedo. En 2019 regresou á política e en 2020 foi nomeada embaixadora ante a Organización dos Estados Americanos.

Véxase tamén

Ligazóns externas

• Ficha persoal no Congreso dos Deputados: VIII Lexislatura
• Ficha persoal no Congreso dos Deputados: IX Lexislatura.

Predecesor: Dolors Montserrat Montserrat (Sanidade, Servizos Sociais e Igualdade)

Ministro de Sanidade, Consumo e Benestar Social de España  2018

Sucesor: María Luisa Carcedo