Carmela Silva

Na Galipedia, a Wikipedia en galego.
(Redirección desde «Carmela Silva Rego»)
Carmela Silva
María del Carmen Silva Rego
Datos persoais
Nacemento26 de novembro de 1960
 Vigo
OrganizaciónPSdeG
FillosIago Falque
ProfesiónPolítica
editar datos en Wikidata ]

María do Carmen Silva Rego, coñecida como Carmela Silva, nada en Vigo o 26 de novembro 1960, é unha política galega do PSdeG.

Traxectoria[editar | editar a fonte]

É licenciada en Dereito e profesora de Educación especial. Nas eleccións xerais do 1996 concorreu na lista do PSdeG-PSOE pola provincia de Pontevedra, sen resultar elixida, pero finalmente accedeu ao posto de deputada trala dimisión de Abel Caballero en novembro de 1997. Co regreso do PSOE ao goberno central en 2004, traballou como asesora da Ministra de Agricultura Elena Espinosa. Tralas municipais de 2007 foi nomeada concelleira non electa no concello de Vigo polo alcalde socialista Abel Caballero, ocupando a dirección de urbanismo.

Nas eleccións xerais de 2008 foi elixida senadora, sendo nomeada portavoz do PSOE en substitución de Joan Lerma[1].

Nas municipais de 2011 foi elixida concelleira na cidade de Vigo como número 2 da candidatura socialista, sendo primeira tenente de alcalde e mantendo a área de Urbanismo. Uns meses despois, foi a cabeza de lista do PSOE ás eleccións xerais de 2011 pola circunscrición de Pontevedra, onde saíu elixida deputada e foi secretaría segunda da mesa do Congreso.

Tralas eleccións municipais de 2015 volveu a ser concelleira en Vigo e foi elixida presidenta da Deputación de Pontevedra grazas a un pacto entre PSdeG-PSOE e BNG, sendo a primeira vez que os socialistas lograron a presidencia e a primeira muller en ocupala[2]. Nas eleccións municipais de 2019 foi reelixida concelleira e presidenta da Deputación, quedando a tan só 1 deputado e uns poucos votos da maioría absoluta, renovando o pacto de goberno co BNG. Tralo 14 Congreso Nacional do PSdeG, en decembro de 2021, foi elixida presidenta da Executiva Nacional do partido encabezada por Valentín González Formoso.

Vida persoal[editar | editar a fonte]

É nai do futbolista Iago Falque, xogador do Torino FC.


Predecesor:
Rafael Louzán
 
Presidenta da Deputación de Pontevedra
 
2015-2023
Sucesor:
Luís López Diéguez
Predecesor:
Xaquín Fernández Leiceaga
 
Presidenta do PSdeG-PSOE
 
2021 – actualidade
Sucesor:
no cargo

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]