Carlos Santiago Pereira

Na Galipedia, a Wikipedia en galego.
Saltar ata a navegación Saltar á procura
Carlos Santiago Pereira
Información persoal
Nacemento 9 de setembro de 1951
  Marín
Nacionalidade España
Posición gardameta
editar datos en Wikidata ]

Carlos Santiago Pereira, nado en Marín o 9 de setembro de 1951, é un futbolista galego retirado, que xogaba na demarcación de gardameta.

Traxectoria[editar | editar a fonte]

Comezou a xogar no Pontevedra CF, no ano 1974 fichou polo Valencia CF debutando da man de Ciric ante o FC Barcelona no Camp Nou, onde encaixou cinco goles. A tempada seguinte xogou cedido no Deportivo Alavés en Segunda División. Ao rematar a cesión volve a Valencia xa para optar a titularidade.

Durante os seguintes catro anos alternou a portería con Balaguer e Manzanedo e con Sempere despois. Un dos mellores recordos que deixou en Valencia foi o encontro da final da Recopa de Europa contra o Arsenal FC, no que mantivo a cero a portería e detivo dous penaltis da quenda que valeron o título.

Tras unha tempada no Racing de Santander no ano 1982 Pereira fichou polo Atlético de Madrid onde xogaría tres tempadas.

No mercado de inverno da tempada 1985-86 foi cedido ao Celta de Vigo a cambio da metade da ficha do xogador, que ascendía a 7 500 000 pesetas, para tratar de evitar o descenso a Segunda División. O obxectivo non se cumpre e tras consumarse a perda de categoría non hai acordo entre Celta e Atlético e o xogador deixa Vigo disputando 15 encontros e encaixando 35 goles.

Pereira retirouse xogando no Hércules CF.

Palmarés[editar | editar a fonte]

Título Ano Club
Copa do Rei 1978-79 Valencia CF
Copa do Rei 1984-85 Atlético de Madrid
Recopa de Europa 1979-80 Valencia CF
Supercopa de Europa 1980-81 Valencia CF

Véxase tamén[editar | editar a fonte]

Ligazóns externas[editar | editar a fonte]