Carlos Pérez Álvarez

Carlos Pérez Álvarez
Biografía
Nacemento	1 de novembro de 1971 ; Vigo, España
Morte	5 de xullo de 2006 (34 anos); Nigrán, España
Causa da morte	morte accidental, accidente doméstico
Datos persoais
País de nacionalidade	España
Actividade
Ocupación	futbolista
Lingua	Lingua castelá
Deporte	fútbol
Posición de xogo	Centrocampista
Traxectoria

Para outras páxinas con títulos homónimos véxase: Carlos Pérez.

Carlos Pérez Álvarez, nado en Vigo o 1 de novembro de 1971 e finado en Nigrán o 5 de xullo de 2006, foi un futbolista galego que xogaba de centrocampista. Formado na canteira do Celta de Vigo, xogou boa parte da súa carreira en Portugal. Faleceu nun accidente doméstico aos 34 anos^[1].

Traxectoria

Comezou a xogar nas categorías inferiores do Celta, e en 1993 xogou un partido coa Selección de fútbol sub-21 de España. Porén, só xogou 16 partidos como titular nas tres tempadas que estivo no primeiro equipo, e en 1996 foi cedido á UD Almería que xogaba en segunda división. Xogou 21 partidos e meteu dous goles, pero o club descendeu. Regresou ao Celta na tempada 1997-98, pero non tivo participación e foi traspasado.

Fichou polo Grupo Desportivo de Chaves. Xogou 27 partidos e meteu 4 goles, pero o club descendeu, e fichou por outro equipo do norte de Portugal, o Vitória de Guimarães. Alí estivo dúas tempadas, e en 2001 fichou polo Nacional da Madeira, co que ascendeu á primeira división logo de xogar 19 partidos e meter un gol. Alí estivo dúas tempadas máis, e en 2004 fichou polo CD Ourense, que xogaba na segunda B.

Tiña pensado seguir no mundo do fútbol como adestrador, pero morreu novo nun accidente doméstico.

Notas

↑ "Consternación en el Celta por la muerte de Carlos Pérez". El Correo Gallego (en castelán). 7 de xullo de 2006.

Véxase tamén

Ligazóns externas

Estadísticas Arquivado 12 de outubro de 2012 en Wayback Machine. en ForaDeJogo (en portugués).

[1] "Consternación en el Celta por la muerte de Carlos Pérez". El Correo Gallego (en castelán). 7 de xullo de 2006.

[1]