Carlos Aenlle

Na Galipedia, a Wikipedia en galego.

Carlos Xesús Varela Aenlle, nado en Castroverde en 1965, é un xeógrafo e etnólogo galego. Actualmente é presidente da asociación Abertal do Eo-Navia, e desde 2004 é o académico (non numerario[1]) correspondente da Real Academia Galega nesa rexión.

Traxectoria[editar | editar a fonte]

Aínda que natural de Castroverde, a súa familia materna procede de terras eonaviegas. Este feito marcou notabelmente a súa traxectoria, profundamente vinculada coa rexión. Pasou a súa adolescencia en Castropol, localidade na que o seu pai foi mestre durante dez anos[2]. Foi tamén colaborador habitual das revistas A Freita e Britonia, publicacións impulsadas pola Mesa prá Defensa del Galego de Asturias (MDGA), e en 2000 publicou Toponimia del Eo-Navia[3], unha recompilación dos topónimos eonaviegos coa súa correspondencia tanto en castelán (oficial) como na forma vernácula galega.

Notas[editar | editar a fonte]

  1. Académicos correspondentes da RAG[Ligazón morta]
  2. Noticia no xornal asturiano La Nueva España, publicada o 20/12/2004.
  3. Toponimia del Eo-Navia, para descarga en PDF[Ligazón morta] Consultado o 24 de febreiro de 2010.

Véxase tamén[editar | editar a fonte]

Ligazóns externas[editar | editar a fonte]