Carina Mejías
María Caridad Mejías Sánchez,[1] máis coñecida como Carina Mejías, nada en Barcelona o 16 de xuño de 1964, é unha avogada e política española, deputada do Parlamento de Cataluña polo Partit Popular entre 1999 e 2003 e entre 2006 e 2010 e por Ciutadans desde 2012, e concelleira no Concello de Barcelona desde as eleccións municipais da devandita cidade de 2015.
Traxectoria[editar | editar a fonte]
Licenciada en Dereito pola Universidade de Barcelona, máster en estudos humanísticos e sociais, itinerario xurídico pola Universidade Abat Oliba CEU, posgrao en dereito concursal pola UVIC. Exerceu como Procuradora dos tribunais en Barcelona desde 1991 ata 2003. É membro do Colexio de Avogados de Barcelona. É membro da Executiva de Foro España Hoy e colaboradora habitual en diversos medios de comunicación, como Crónica Global ou El Mundo.[2]
Afiliouse en 1991 ao Partido Popular. Foi concelleira no Concello de Barcelona e deputada no Parlamento de Cataluña de 1999 a 2003 e de 2006 a 2010. O 15 de outubro de 2012 presentouse como independente ao proceso de primarias de Ciutadans-Partit de la Ciutadania (C's) e foi elixida número 3 por Barcelona para as eleccións ao Parlamento de Cataluña de 2012, nas que saíu elixida deputada. En xaneiro de 2014, tras a renuncia de Jordi Canas, foi designada voceira do seu grupo parlamentario e en xuño do mesmo ano entrou a formar parte do Comité Executivo de como portavoz da acción política municipal.
Candidata á alcaldía de Barcelona[editar | editar a fonte]
En decembro de 2014 foi designada, mediante un procedemento de primarias, candidata de Ciutadans á alcaldía de Barcelona para as eleccións municipais de 2015.[3] O 10 de abril de 2015 producíronse as primarias para elixir os cinco primeiros postos da súa lista municipal e resultaron elixidos Sonia Sierra (2), Marilén Barceló (3), Santiago Alonso (4) e Francisco Sierra (5), que foron os que saíron elixidos concelleiros nas eleccións municipais.[4]
Notas[editar | editar a fonte]
- ↑ Concelleiros do concello de Barcelona elixidos nas eleccións municipais de 2003
- ↑ "Ficha como deputada na web do Parlamento de Cataluña". Arquivado dende o orixinal o 09 de febreiro de 2015. Consultado o 23 de xullo de 2016.
- ↑ "Carina Mejías encabezará a lista de C's nas municipais por Barcelona". Arquivado dende o orixinal o 04 de marzo de 2016. Consultado o 23 de xullo de 2016.
- ↑ "Sonia Sierra, 'número dous' de Ciutadans para as municipais por Barcelona". Arquivado dende o orixinal o 04 de marzo de 2016. Consultado o 23 de xullo de 2016.
Véxase tamén[editar | editar a fonte]
Ligazóns externas[editar | editar a fonte]
- Entrevista como candidata de Ciutadans á alcaldía de Barcelona en Crónica Global Arquivado 04 de marzo de 2016 en Wayback Machine.