Campionato do mundo de ciclismo de montaña e trial 2007

O Campionato do mundo de ciclismo de montaña e trial de 2007 é a 18ª edición dos mundiais deste deporte, e celebrouse en Fort William (Escocia) entre o 3 e o 9 de setembro de 2007.

Localización

Instalacións da estación de esquí, aproveitadas para a proba de descenso

As instalacións das probas atópanse a uns 10 km do centro da cidade de Fort William, no oeste de Escocia, saíndo en dirección noroeste cara a Inverness. O contorno é localización da estación de esquí de Nevis Range. As pistas de descenso e four cross estaban situadas nas abas do Ben Nevis, o monte máis elevado de toda a illa, mentres que o circuíto de cross se desenvolvía ao seu pé.

Nestas instalacións dispútanse todos os anos probas da Copa do Mundo de ciclismo de montaña, e son un lugar permanente de adestramento para ciclistas de montaña.

Probas

Disputáronse probas nestas especialidades:

• Cross: masculino e feminino, en tres categorías: absoluto, sub23 e júnior. A categoría júnior correu sobre unha distancia de 25,6 km, a feminina absoluta e sub23 sobre 34,2 km, a masculina sub23 sobre 42,8 km, e a absoluta masculina sobre 51,4 km.
• Descenso: masculino e feminino, en dúas categorías: absoluto e júnior.
• Four-cross: masculino e feminino
• Remudas: mixto
• Trial: masculino, con rodas de 20 e 26 polgadas, e mais feminino. O masculino en categorías absoluta e júnior. Ademais, houbo unha competición por equipos.

É a primeira vez que se competía en remudas, e tamén a primeira vez que o trial se facía en categoría feminina e por equipos.

Presenza galega

Logo da rotura de clavícula da ciclista Eva Castro ao comezo da tempada, o que impediu a súa presenza no campionato, o único galego en Fort William foi José Antonio Hermida, medallista olímpico. Compite na proba de cross, en categoría absoluta, e quedou en décima posición.

Resultados

Proba
Cross mulleres	Irina Calentieva • 1:44'08"	Sabine Spitz • 1:44'47"	Wang JingJing • 1:45'50"
Cross homes	Julien Absalon • 2:17'06"	Ralph Naef • 2:17'32"	Florian Vogel • 2:18'00"
Cross mulleres (sub23)	Liu Ying • 1:45'43"	Chengyuan Ren • 1:49'15"	Elisabet Osl • 1:51'03"
Cross homes (sub23)	Jakob Fulgsang • 1:54'04"	Nino Schurter • 1:55'48"	Yaroslav Kulhavy • 1:57'25"
Cross mulleres (júnior)	Alla Boico • 1:25'14"	Jitka Skarnitzlova • 1:25'43"	Julie Bresset • 1:26'50"
Cross homes (júnior)	Thomas Litscher • 1:37'06"	Piotr Brzozka • 1:37'33"	David Fletcher • 1:37'47"
Descenso mulleres	Sabrina Jonnier • 5'28"35	Rachel Atherton • 5'32"36	Tracey Hannah • 5'39"89
Descenso homes	Sam Hill • 4'52"01	Fabien Barel • 4'52"65	Gee Atherton • 4'56"38
Descenso mulleres (sub23)	Floriane Pugin • 5'50"18	Katy Curd • 6'17"30	Myriam Nicole • 6'41"48
Descenso homes (sub23)	Ruarifh Cunningham • 5'06"82	John Swanguen • 5'08"89	Matthew Scoles • 5'09"07
Four-cross mulleres	Jill Kintner	Anneke Beerten	Melissa Buhl
Four-cross homes	Brian Lopes	Romain Saladini	Jurg Meijer
Remudas	Suíza • 1:33'36"	Polonia • 1:34'25"	Estados Unidos • 1:34'45"
Trial mulleres	Karin Moor • 7 pt	Gemma Abant Condal • 10 pt	Mireia Abant Condal • 11 pt
Trial homes absoluto (rodas de 26 p.)	Vincent Hermance • 9 pt	Gilles Coustellier • 10 pt	Kenny Belaey • 12 pt
Trial homes absoluto (rodas de 20 p.)	Benito Ros Charral • 6 pt	Carles Díaz Codina • 7 pt	Daniel Comas Riera • 10 pt
Trial homes sub23 (rodas de 26 p.)	Aurélien Fontenoy • 6 pt	Loris Braun • 17 pt	Hannes Herrmann • 19 pt
Trial homes sub23 (rodas de 20 p.)	Aurélien Fontenoy • 10 pt	Eduard Planas Núñez • 18 pt	Kevin Aglae • 22 pt
Trial por equipos	España • 387 pt	Francia • 375 pt	Alemaña • 337 pt

Medalleiro

Posto	País				Total
1	Francia	6	4	2	12
2	Suíza	3	3	1	7
3	España	3	3	2	7
4	Estados Unidos	2	1	2	5
5	China	1	1	1	3
6	Australia	1		1	2
7	Rusia	1			1
	Dinamarca	1			1
9	Reino Unido		3	2	5
10	Alemaña		2	1	3
	Polonia		2		2
12	Países Baixos		1	1	2
13	Austria			1	1
	República Checa			1	1
	Nova Zelandia			1	1
	Bélxica			1	1