Campionato de España de ciclismo en ruta de 1993

O Campionato de España de ciclismo en ruta de 1993 foi a XCII edición do Campionato de España de ciclismo en ruta, que se disputou en Vigo o 27 de xuño de 1993, cun percorrido de 259 quilómetros. Dos 105 corredores que iniciaron a carreira, só 56 lograron rematala. Tratábase dun circuíto bastante selectivo, con varias dificultades, a última delas a dez quilómetros de meta.

Percorrido[editar | editar a fonte]

A carreira presentábase como un duelo entre o gran favorito e anterior campión Miguel Indurain e os bloques do CLAS e do Amaya. A proba rompeu a metade de camiño cunha escapada de 26 corredores, con homes importantes do pelotón como Pedro Delgado, Fernando Escartín ou Eduardo Chozas. O equipo Banesto deixou demasiada vantaxe á fuga, que chegou a contar con máis de cinco minutos que quedarían nun e medio na base da última ascensión. Naquel momento a fuga era un rosario de corredores, comandados por un sorprendente Ignacio García Camacho, que resistía na cabeza. Indurain lanzouse en persecución e foi superando a todos os fuxidos, excepto a García Camacho.

Finalmente na mesma liña de meta, García Camacho tivo escasos segundos de vantaxe sobre Miguel Indurain, ao que lle faltaron poucos segundos e un pouco de estratexia de equipo para revalidar a súa camisola de campión de España. Terceiro en meta foi Fernando Escartín.^[1]

Clasificación[editar | editar a fonte]

1992 << Campionato de España 1993 >> 1994

1	Ignacio García Camacho	Kelme	6h 21' 15"
2	Miguel Indurain	Banesto	a 7"
3	Fernando Escartín	CLAS	m.t.
4	Santos Hernández	Mapei	m.t.
5	Miguel Ángel Martínez	ONCE	m.t.
6	Ramón González Arrieta	Lotus	m.t.
7	Ángel Edo	Kelme	a 35"
8	Herminio Díaz Zabala	ONCE	m.t.
9	Peio Ruiz Cabestany	Gatorade	m.t.
10	Jon Unzaga	CLAS	m.t.