Cambrai, Francia

Cambrai, Francia

Bandeira
Localización
50°10′33″N 3°14′05″L
Estado	Francia
Divisións administrativas	Francia Metropolitana
Rexións	Altos de Francia
Departamento	Norte, Francia
Distrito	Arrondissement de Cambrai (pt)
Capital de	Condado de Cambrai canton of Cambrai-Est (en) canton of Cambrai-Ouest (en) Arrondissement de Cambrai (pt) canton of Cambrai (en) (2015–)
Poboación
Poboación	31.568 (2022) (1.736,41 hab./km²)
Xeografía
Situado na entidade territorial estatística	Area of attraction of Cambrai (en) Unité urbaine de Cambrai (en)
Parte de	Unité urbaine de Cambrai (en) Aire métropolitaine de Lille (en)
Superficie	18,18 km²
Altitude	60 m-41 m-101 m-65 m
Comparte fronteira con	Ramillies Neuville-Saint-Rémy Niergnies Proville Raillencourt-Sainte-Olle Fontaine-Notre-Dame Cauroir Escaudœuvres Tilloy-lez-Cambrai Awoingt Rumilly-en-Cambrésis
Datos históricos
Precedido por	Morenchies (en) e Cambrai (en)
Fundador	Gambrinus
Evento clave setembro de 1339 Siege of Cambrai (en) 20 de marzo de 1677 Siege of Cambrai (en)
Organización política
• Alcalde	François-Xavier Villain (1992–)
Identificador descritivo
Código postal	59400
Fuso horario	UTC+01:00, horario estándar UTC+02:00, horario de verán
Outro
Irmandado con	Esztergom Kamp-Lintfort Gravesend (pt)
Sitio web	villedecambrai.com

Cambrai é unha comuna e cidade francesa do departamento de Norte (do cal é unha subprefectura), na rexión Hauts-de-France. É un centro industrial nas beiras do río Escalda.

Xeografía

Situada a unha altitude entre os 41 e os 101 msnm, o municipio ocupa unha superficie de 18,12 km².

Segundo o censo de 2019 tiña unha poboación de 32 176 habitantes, cunha densidade de poboación nese ano de 1776 hab./km².

A cidade de Cambrai está situada no sur do departamento do Norte. Pertence á densa rede de cidades do Norte separadas por unhas poucas decenas de quilómetros: Douai está a só 24 km, Valenciennes a 29 km, e Arras a 36 km. A capital rexional, Lille, está a 52 km.

Cambrai non está lonxe de varias capitais europeas: Bruxelas está a 108 km, París a 160 km e Londres a 280 km.

Demografía

Serie de poboación histórica de Cambrai, Francia
(Fonte/s: INSEE)

Ano	1793	1896	1921	1946	1975	1982	1990	2007
Poboación	15 427	25 250	26 023	26 129	39 049	35 272	33 092	32 296

Historia

As súas orixes están na cidade romana de Camaracum. Foi capital dun reino franco de 445 a 509. Durante a Idade Media foi sé dunha importante arquidiocese. O territorio de Cambrai case coincidía co territorio histórico de Flandres, incluíndo grandes partes dos Países Baixos.

Desde o ano 1543 pertenceu á Casa de Habsburgo. Despois do Edicto perpetuo de 1577 pasou a mans francesas e, de novo, foi recuperada por Filipe II de España o 9 de outubro de 1595. Lois XIV incorporouna a Francia o 19 de abril de 1677, tras un asedio de 29 días na Guerra franco-neerlandesa.

Gozou dun carácter simbólico, e nela asináronse diferentes convencións ou alianzas:

• Liga de Cambrai. Alianza de diferentes estados europeos contra Venecia, asinada o 10 de decembro de 1508.
• Paz de Cambrai, tamén chamada Paz das Damas, un tratado asinado entre Carlos I de España e Francisco I de Francia o 5 de agosto de 1529.
• Congreso de Cambrai. Negociacións a escala europea levadas a cabo entre 1721 e 1727.

Na primeira guerra mundial

Cambrai destruída en 1919.

Do 20 de novembro ao 17 de decembro de 1917, a cidade de Cambrai foi escenario da batalla de Cambrai, dentro da primeira guerra mundial, quedando practicamente destruída. Esta batalla destaca porque os tanques foron utilizados por primeira vez de forma regular. Unha segunda batalla tivo lugar na localidade do 8 ao 10 de outubro de 1918, como parte da ofensiva dos Cen Días.