Cambisol

Distribución de cambisois

Un cambisol é, na Base de Referencia Mundial para os Recursos do Solo, un grupo de solo que presenta polo menos un horizonte subsuperficial incipiente, o que se evidencia por cambios na estrutura ou na cor, polo contido de arxila ou carbonato etc.

Os cambisois ocupan unha área estimada de 1.500 millóns de hectáreas a nivel mundial, sobre todo en rexións temperadas e boreais que se viron afectadas por glaciacións durante o Plistoceno, aínda que tamén poden aparecer en rexións secas. Nas zonas tropicais e subtropicais húmidas son menos comúns porque nelas a meteorización e a formación de solo prodúcense con moita maior velocidade.

É o tipo de solo máis abundante en Galicia, e adoita aparecer en abas de pendente suave, presentando un horizonte A de máis de 30 cm de profundidade, rico en materia orgánica, que repousa sobre un horizonte B de tipo cámbico.

Os cambisois úsanse intensivamente como terras agrícolas pola súas boas propiedades.

Véxase tamén

Bibliografía

• Macías Vázquez, Felipe; Calvo de Anta, Rosa (2001). "Los suelos". Atlas de Galicia. Sociedade para o Desenvolvemento Comarcal de Galicia. pp. 173–217. ISBN 84-453-3088-8. 
• IUSS Working Group WRB: World Reference Base for Soil Resources, fourth edition. International Union of Soil Sciences, Vienna 2022, ISBN 979-8-9862451-1-9. ([1]).
• IUSS Working Group WRB. (2015). Base referencial mundial del recurso suelo 2014, Actualización 2015 - Sistema internacional de clasificación de suelos para la nomenclatura de suelos y la creación de leyendas de mapas de suelos. (PDF). Informes sobre recursos mundiales de suelos No. 106. Roma: FAO. ISBN 978-92-5-108369-7.