Call Me by Your Name (novela)

Call Me by Your Name
Instancia de obra literaria  Título Call Me by Your Name (en)
Características  Xénero artístico romance ficción gai novela de aprendizaxe  Forma artística novela  Tema principal amor amor non correspondido paso á maioría de idade bisexualidade  Ambientado en Riviera italiana  Época ambientación década de 1980  Personaxes Elio Perlman Oliver (en)  Obra derivada Call Me by Your Name  Lingua lingua inglesa
Implicados  Autor/a André Aciman  Editorial Farrar, Straus and Giroux
Datas  Data de publicación 2007
Historia  Sucedido por Find Me  Premios e distincións Lambda Literary Award for Gay Fiction (en)
Localización  Lugar de publicación Estados Unidos de América
Códigos e identificadores VIAF 5602151051787233530005 Goodreads 1363157 Open Library OL8034526W Freebase /m/06gvwr5
Wikidata

Call Me by Your Name é unha novela estadounidense de 2007 escrita por André Aciman e distribuída pola editorial Farrar, Straus and Giroux, que narra un romance entre un mozo italiano de dezasete anos e un estudiante estadounidense de vinte e catro. Ambientado na Italia dos anos 1980, a obra repasa vinte anos da historia dos protagonistas, Elio Perlman e Oliver. A súa secuela, Find Me, publicouse en outubro de 2019.

Stacey D'Erasmo, do The New York Times, describiu a novela como "un libro excepcionalmente belo". Charles Kaiser, do The Washington Post, resaltou que "todas as vítimas dun amor obsesivo recoñecerían os matices de Aciman". As incontables críticas positivas a Call Me by Your Name levouno a acabar o premio literario Lambda, o maior certame de ficción LGBT. En 2017, unha adaptación cinematográfica homónima dirixida por Luca Guadagnino e protagonizada por Armie Hammer e Timothée Chalamet foi lanzada nos Estados Unidos de América.

Argumento

Nunha vila rural do norte de Italia, a principios dos anos oitenta, o arqueólogo e profesor pai de Elio (un rapaz culto de 17 anos) tiña a tradición de acoller no verán estudantes ou artistas novos que, a cambio de aloxamento, o axudaban cos seus compromisos culturais. Oliver é o elixido este verán, un mozo profesor estadounidense que está a escribir a súa tese de doutoramento. Pronto a intimidade entre os dous dá paso a un romance, que ao principio é moi contido. Durante as próximas semanas, os impulsos ocultos da obsesión e o medo, a fascinación e o desexo intensificarán a paixón de ambos.

Temas

A diversidade de temas que André Aciman aborda na novela están relacionados coas súas circunstancias persoais e coa influencia de Marcel Proust, autor no que Aciman se especializou. Estes temas son:

• Memoria e tempo.
• Amor.
• Homosexualidade.
• Filosofía.
• As artes: poesía, literatura, escultura e música.
• Identidade xudía.
• Estranxeiría.