Caboi, Outeiro de Rei

Caboi
Cruceiro e igrexa parroquial
Concello	Outeiro de Rei
Provincia	Lugo
Coordenadas	43°06′22″N 7°38′23″O
Poboación	116 hab. (2020)
Entidades de poboación	4
[ editar datos en Wikidata ]

San Martiño de Caboi é unha parroquia do concello de Outeiro de Rei na comarca de Lugo, na provincia de Lugo. No ano 2007 tiña 91 habitantes, deles 42 eran homes e 49 eran mulleres, o que supón unha diminución de 2 habitantes en relación ao ano anterior, 2006.

Étimo

O topónimo Caboi deriva do nome dun antigo possessor. No século X este lugar foi referido como Calabogii e uilla Calabogi. En 1173 era Kalaboe, a dicir de Boullón Agrelo, quen non é capaz de determinar se o nome derivaba de Calapodius ou de Calepodius, nome dun mártir e santo católico do século IV, e tamén dun cónsul romano do século V. O mesmo nome era empregado na Cataluña medieval, onde deu orixe ó topónimo Calabuig, documentado como uilla Calapodii no século IX.

Historia

A aldea de Astariz ostentaba na época sueva o título de "Coto Real" e gobernábase con autoridades propias. Xa na época medieval esta parroquia debeu ser unha fortaleza, aínda se poden apreciar nalgúns lugares restos das murallas e foxos que a rodearon. Tamén hai noticias da existencia dunha torre, hoxe desaparecida.

Patrimonio

A Casa de Prado, con pedra de armas na fachada.

Festas

• Virxe do Socorro, a primeira fin de semana de xuño.
• San Martiño, 11 de novembro.

Lugares e parroquias

Lugares de Caboi

Lugares da parroquia de Caboi no concello de Outeiro de Rei (Lugo)
Astariz | Caboi | Fontela | O Mato

Véxase tamén

Outros artigos

• Lugares de Outeiro de Rei

Ligazóns externas

• Caboi na web do concello de Outeiro de Rei