CYLTV
| CYLTV | |
|---|---|
| |
| Inicio das emisións | 9 de marzo de 2009 |
| Propiedade de | Radio Televisión de Castilla y León |
| Formato da imaxe | 16:9 |
| País |  España
|
| Lingua | Castelán |
| Área de emisión |  Castela e León
|
| Canle que substitúe | Televisión Castilla y León Canal 4 Castilla y León |
| Canle/s irmá(s) | La 8 |
Na rede
| |
| www.rtvcyl.es | |
Castilla y León Televisión, máis coñecida como CYLTV, é a primeira canle autonómica de Castela e León, propiedade do ente privado Radio Televisión de Castilla y León, sociedade adxudicataria da explotación das dúas canles de TDT na comunidade.
Ademais desta cadea, Radio Televisión de Castilla y León conta cunha segunda canle, La 8, con contidos de carácter máis provincial e local, para o que leva a cabo desconexións de ámbito territorial.
Historia e características[editar | editar a fonte]
Iniciou as súas emisións regulares o 9 de marzo de 2009, tanto en analóxico como en dixital. A súa programación, idéntica para as nove provincias da comunidade e de carácter xeralista, ten como un dos seus eixos básicos a información, non só de ámbito autonómico, senón tamén nacional e internacional. Para iso, ademais da súa sede central, situada en Valladolid, dispón de centros de produción territorial nas outras oito capitais de provincia, así como en Ponferrada, e unha delegación en Madrid.
Chamouse CyL7 ou La Siete de Castilla y León Televisión dende a súa creación ata o 4 de setembro de 2011.