Córdoba é un concello de Colombia que se atopa no departamento de Quindío. Atópase a 27 km de Armenia.[1] Segundo o censo de 2015, tiña unha poboación de 5.954 habitantes.[2]
Aínda que a vila se fundou en 1912, contra o ano de 1925 non existían en Córdoba máis de 40 casas. Recoñécense como fundadores deste concello a Jesús e Miguel Jaramillo, Manuel Bermúdez, Félix Marín, Joaquín Buitrago, Paulino e Julio García (provenientes de Antioquia), e a Nemesio Peña, Pedro Salgado e Jesús Valencia (provenientes de Tolima e Cundinamarca); déuselle o nome de Córdoba en homenaxe ao líder rebelde e prócer da independencia de Colombia, o xeneral José María Córdova.
En 1914 elevouse á categoría de correxemento do concello de Calarcá, sendo erixido en concello en 1967 por medio da ordenanza N.º 022 da Asemblea do Departamento de Quindío.[1]
.svg?lang=gl)
