Cándido Viana Valentín
| Biografía | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 10 de xaneiro de 1959  (66 anos)Badalona, España | ||||||||||||||||||||||||||||||||||||||
| Actividade | |||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||
| |||||||||||||||||||||||||||||||||||||||
Cándido Viana Valentín, nado en Badalona (provincia de Barcelona) o 10 de xaneiro de 1959, é un exfutbolista que xogaba na demarcación de centrocampista.
Traxectoria
[editar | editar a fonte]Formouse no Sant Gabriel, de Sant Adrià de Besòs. En 1973 pasou á canteira do FC Barcelona chegando a ser un referente do FC Barcelona B. En 1979 xogou cedido no Atlético Monzón mentres cumpría o servizo militar.
Ante a falta de oportunidades no primeiro equipo foi cedido ao CA Osasuna na Primeira División na tempada 1983/84. O seu bo papel fixo que fichase polo Celta de Vigo en agosto de 1984.
O primeiro ano en Vigo acadou o ascenso a Primeira División, porén na segunda tempada unha lesión no talón de Aquiles mantívoo sen xogar gran parte do ano, e ese ano o equipo volveu descender. A tempada 1986/87 sería a máis longa da historia da Liga, na que o Celta ascendeu despois dunha grande actuación dos dianteiros Baltazar, máximo goleador da categoría, e Pichi Lucas.
Deixou o Celta en agosto de 1989, e volveu a Cataluña para xogar no Palamós CF.
Unha vez retirado comezou a súa carreira de adestrador, dirixindo o Badaloní, Mataró, CF Badalona, AE Prat e Palamós CF.
