Bylatyan Oyuunskay
| Bylatyan Oyuunskay | |
|---|---|
_%D0%9F%D0%BB%D0%B0%D1%82%D0%BE%D0%BD_%D0%90%D0%BB%D0%B5%D0%BA%D1%81%D0%B5%D0%B5%D0%B2%D0%B8%D1%87.jpg) | |
| Nacemento | 10 de novembro de 1893 |
| Lugar de nacemento | Boturus Ulus |
| Falecemento | 31 de outubro de 1939 |
| Lugar de falecemento | Yakutsk |
| Nacionalidade | Imperio Ruso e Unión Soviética |
| Etnia | Iacutos |
| Alma máter | Tomsk State Pedagogical University |
| Ocupación | poeta, tradutor, dramaturgo, figura pública, filólogo e político |
| Fillos | Sardana Oyunskaya |
| [ editar datos en Wikidata ] | |
Bylatyan Oyuunskay (en iacut: Былатыан Ойуунускай), pseudónimo de Platon Alekseevich Sleptsov (Платон Алексеевич Слепцов), nado en Cherkyokh o 11 de novembro de 1893 e finado en Yakutsk o 31 de outubro de 1939, foi un político, escritor e tradutor iacut, considerado un dos fundadores da literatura moderna iacut, da organización da República Autónoma Iacut mais da Unión de Escritores de Iacutia.[1]
Traxectoria[editar | editar a fonte]
De 1914 e 1917 estudou no Seminario de Maxisterio de Yakutsk e entre 1917 e 1918 no Instituto Pedagóxico de Tomsk. Membro do Partido Comunista dende 1918 dirixiu en 1922 o Consello de Comisarios do Pobo e en 1923 o Comité Central Executivo da RSS de Iacutia. Entre 1928 e 1931 foi comisario de educación e saúde de Iacutia e dende 1935 foi o primeiro director do Insitituto de Lingua e Cultura de Iacutia. Foi deputado do Soviet Supremo da Unión Soviética (1938).
Publicou o seu primeiro poema en 1917 e dous anos despois un dos máis coñecidos "Син биир буолбаат?", que tivo gran popularidade en Iacutia. Escribiu novelas, dramas e numerosos relatos. Como etnógrafo recolleu e publicou poemas épicos de Olonkho en Дьулуруйар Ньургун Боотур e Туналыйбыт ньуурдаах Туйаарыма Куо. Xustificou o uso do verso silábico-tónico na lingua iacut. Tamén traduciu clásicos da literatura rusa e mundial ao iacut. O 3 de febreiro de 1938 de volta da primeira sesión do Soviet Supremo o NKVD arrestouno[2] en Irkutsk acusado de dirixir unha organización nacionalista burguesa contrarrevolucionaria. Morreu na cadea ao ano seguinte. A súa figura rehabilitouse o 15 de outubro de 1955.
Notas[editar | editar a fonte]
- ↑ "ОЙУУНСКИЙ Платон Алексеевич — Платон Ойуунский" Arquivado 29 de agosto de 2017 en Wayback Machine. Якутский государственный литературный музей имени П. А. Ойунского.
- ↑ Ойунский (наст фам. Слепцов) Платон Алексеевич Arquivado 01 de outubro de 2015 en Wayback Machine. Виртуальный музей ГУЛАГа.
