"Bullet in the Head" é unha canción da banda estadounidense de rock Rage Against the Machine editada como sinxelo do seu álbum de estrea Rage Against the Machine en 1992. O tema foi transferido sen modificacións da demo da banda, tamén titulada Rage Against the Machine.[1]
Tanto a imaxes da portada como a traseira do sinxelo son obra do fotógrafo francés Marc Riboud.[2]
Rodouse un videoclip para a canción nun almacén en Nova York. Trátase dunha actuación en directo gravada para o programa The Late Show da BBC que se emitiu o 23 de febreiro de 1993. En palabras de Tom Morello, "o autobús de xira parou diante do estudo da BBC, repasamos a canción unha vez diante das cámaras, e despois marchamos a tocar nun club esa noite". A BBC supostamente viuse obrigada a censurar o video musical despois dun incidente no programa UK Top 40 Countdown da BBC Radio 1 anteriormente esa semana, cando Bruno Brookes pinchou accidentalmente a versión completa sen censurar de "Killing in the Name" provocando 138 queixas. O video apareceu no DVD da banda Rage Against the Machine, publicado o 25 de novembro de 1997 por Epic Records.[3]
