Bruno Schweiger
| Biografía | |
|---|---|
| Nacemento | Múnic  |
| Morte | século XX |
| Datos persoais | |
| País de nacionalidade | Alemaña |
| Actividade | |
| Lugar de traballo | Marín |
| Ocupación | enxeñeiro |
| Lingua | Lingua alemá |
José Bruno Schweiger Damboech, nado en Múnic, foi un enxeñeiro e político alemán residente en Galicia.
Traxectoria[editar | editar a fonte]
Vivía en Marín onde traballaba de enxeñeiro. Co seu irmán Juan eran contratistas de obras públicas.[1] Tras o golpe de Estado do 18 de xullo de 1936 foi xefe da Centuria de Zapadores de Falange de Marín. Participou na represión dos republicanos da comarca de Pontevedra, sendo o xefe das brigadas de falanxistas que actúan en Marín, Cangas e Moaña. Participou nas execucións de Raimundo Rodríguez Neira e Carmen Pesqueira. A primeira falanxe de Zapadores de Marín incorporuse á fronte de Asturias en novembro de 1936 e en xaneiro de 1937 sumóuselle outra falanxe, quedando formada a 1ª Centuria de Zapadores de Falange Española Tradicionalista y de las JONS de Marín da que Bruno Schweiger foi o xefe. O 21 de febreiro de 1937 foi ferido gravemente, polo que se lle concedeu a "Medalla de Sufrimientos por la Patria" un ano despois. Logo de rematada a guerra foi vivir a Vigo.
Vida persoal[editar | editar a fonte]
Casou con Bárbara Schaffer Meister, que finou en Lugo o 15 de xullo de 1941, e foi pai de Elisabeta e María Asunción Beatriz Schweiger.[2]
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Álvarez Castro, X. (4 de outubro de 2009). "Bruno, "o alemán"". Pontevedra nos anos do medo.
- Álvarez Castro, X. (14 de marzo de 2011). "Algo máis sobre os Schweiger.". Pontevedra nos anos do medo.
- Fotografía de Bruno Schweiger un acto dos nacionais en Pontevedra