Bruck an der Mur

Na Galipedia, a Wikipedia en galego.
Saltar ata a navegación Saltar á procura

Coordenadas: 47°24′38″N 15°16′07″L / 47.41056, -15.26861

Praza principal de Bruck an der Mur

Bruck an der Mur é unha cidade do Land austríaco de Estiria.

Xeografía[editar | editar a fonte]

Encóntrase na confluencia dos ríos Mur e Mürz. Favorecida pola súa situcación no cruzamento de grandes camiños e polo súa proximidade a centro siderúrxico de Leoben, conta con manufacturas en produtos de papel. É unha cidade industrialmente activa, e un nó ferroviario na liña principal entre Graz e Viena.

Situada a unha altitude de entre os 468 e os 491 msnm, a cidade ocupa unha superficie de 85,45 km².

Segundo o censo do 1 de xaneiro de 2022, a súa poboación é de 15 720 habitantes,[1] polo que a súa densidade de poboación é de 184 hab./km².

Historia[editar | editar a fonte]

O rexistro máis antigo que se conserva de Bruck data da época do rei Luís II o Xermánico (c. 806-876), sucesor de Ludovico Pío, cando foi identificado, nun rexistro do 20 de novembro de 860, como "ad prucam", un pazo do arcebispado de Salzburgo. O asentamento identificado entón con este nome estaba no lugar que actualmente ocupa o arrabalde agora chamado "St. Ruprecht". O asentamento situado entón no que hoxe é o centro de Bruck é identificado nun rexistro do século IX como "muorica kimundi" (é dicir, a desembocadura do río Mürz).

A cidade foi fundada en 1263 polo rei Otakar II de Bohemia.

Bruck an der Mur foi un importante centro comercial medieval especializado na forxa do ferro.

Foi o lugar de nacemento do duque Ernesto I de Habsburgo O Férreo ou O duque de Ferro, que foi duque de Estiria, Carintia e Carniola, e despois arquiduque de Austria.

Lugares de interese[editar | editar a fonte]

  • Unha igrexa de estilo gótico do século XV.[2]
  • A famosa casa Kornmesser, un edificio de estilo veneciano, construído por Pankraz Kornmesser, no mesmo século (ver na foto arriba).
  • As ruínas da antiga fortaleza de Landskron, queimada nun incendio en 1792.

Cidaes irmandadas[editar | editar a fonte]

Bruck an der Mur está irmandada con:

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]