O Breda Ba.88 Lince foi un bombardeiro e avión de ataque italiano durante a segunda guerra mundial. Voou por primeira vez en outubro de 1936 e en 1937 estableceu dous récords de velocidade, polo que os italianos agardaron moito deste modelo. Pero estas prestacións non se mantiveron nos exemplares de serie, que cambiaron a configuración da deriva e os motores, á parte de instalárselle unha torreta dorsal. Realizou tarefas de bombardeo, ataque e recoñecemento, pero comezaron a dar moitos fallos polo seu excesivo peso e os últimos exemplares foron directamente despezados.
