Brandon Sanderson

Brandon Sanderson
	; (2016)
Biografía
Nacemento	19 de decembro de 1975 (48 anos); Lincoln, Estados Unidos de América
Relixión	Igrexa de Xesús Cristo dos Santos dos Últimos Días
Educación	Universidade Brigham Young ; Lincoln East High School (en)
Actividade
Campo de traballo	Escrita creativa e profesional e literatura fantástica
Lugar de traballo	Utah
Ocupación	novelista, escritor de contos, escritor
Período de actividade	2005 -
Empregador	Universidade Brigham Young ; Dragonsteel Entertainment (en)
Xénero artístico	Fantasía, ciencia ficción e literatura xuvenil
Profesores	Dave Wolverton (pt)
Influencias	Robert Jordan
Obra
	Obras destacables Skyward series (en) ; Cosmere (en) ; Rithmatist series (en) ; Alcatraz Versus the Evil Librarians (en) ; (2005) Elantris; (2006) Mistborn; (2009) Warbreaker (pt) ; (2010) The Stormlight Archive (en) ; (2012) Legion series (en) ; (2012) The Emperor's Soul (en) ; (2013) The Reckoners (en) ; (2016) Arcanum Unbounded: The Cosmere Collection (en) ; (2023) Tress of the Emerald Sea (en) ;
Premios
	(2022) Audie Award for Fantasy (en) , premiado polo traballo Rhythm of War (en) ; (2015) Audie Award for Fantasy (en) , premiado polo traballo Words of Radiance (en) ; (2013) Premio Hugo á mellor obra de non ficción, premiado polo traballo Writing Excuses (en) ; (2013) Hugo Award for Best Novella (en) , premiado polo traballo The Emperor's Soul (en) ; (2007) Whitney Awards (en) ;
Descrito pola fonte	Obálky knih,
Páxina web	brandonsanderson.com

Brandon Sanderson, nado en Lincoln, Nebrasca,^[1] o 19 de decembro de 1975, é un autor estadounidense de fantasía épica e ciencia ficción. É máis coñecido polo universo ficticio Cosmere, no cal se desenvolven a maioría das súas novelas de fantasía como a saga Mistborn e The Stormlight Archive. Tamén é coñecido por acabar a saga de alta fantasía de Robert Jordan The Wheel of Time.

Creou as Leis da Maxia de Sanderson e popularizou os termos "sistemas de maxia dura e branda". No 2008 comezou un podcast co autor Dan Wells e o debuxante Howard Tayler chamado Writing Excuses, no cal falan sobre temas relacionados coa creación de escritura de xénero e webcómics.

No 2016, a empresa de medios de comunicación estadounidense DMG Entertainment adquiriu os dereitos audiovisuais para a totalidade do Cosmere.^[2]

Vida e traxectoria

Infancia e educación

Brandon Sanderson naceu o 19 de decembro de 1975 en Lincoln, Nebraska. É o vello de catro irmáns. Sanderson converteuse nun lector apaixonado de novelas de alta fantasía na súa adolescencia e fixo varios intentos precoces de escribir as súas propias historias.^[3] Despois de se graduar do instituto en 1994, acudiu a Brigham Young University (BYU) para estudar bioquímica. Pasou dous anos ausente desde 1995 a 1997 para servir como misioneiro voluntario para a Igrexa de Xesús Cristo dos Santos dos Últimos Días e foi asignado para servir en Corea do Sur.^[3]

Após completar o seu servizo como misioneiro, Sanderson volveu a BYU e cambio a súa carreira por Literatura Inglesa. Mentres estudaba colleu un traballo de recepcionista nocturno nun hotel local en Provo, Utah, xa que lle permitía escribir mentres traballaba.^[3] Un dos compañeiros de cuarto de Sanderson en BYU foi Ken Jennings, quen case dez anos despois se fixo famoso pola súa serie de 74 vitorias no concurso estadounidense Jeopardy!.^[4] Sanderson graduouse no ano 2000 e continuou un posgrao en BYU, recibindo un mestrado en Inglés especializado en escritura creativa en 2004.^[5] En BYU, Sanderson formaba parte de Leading Edge, unha revista semiprofesional de ficción especulativa publicada pola universidade, e foi o seu editor xefe durante un ano.

En 2006, Sanderson casou con Emily Bushman, unha colega da carreira e mestra,^[6] quen máis tarde se converteu na súa xerente. Teñen tres fillos e residen en American Fork, Utah.^[7]

Traxectoria temperá como escritor

Sanderson escribiu de maneira constante durante os seus anos de estudante e para 2003 xa escribira doce novelas, aínda que ningunha editorial as aceptou para publicalas. No medio dun programa de posgraduado en BYU, o editor de Tor Books Moshe Feder contactou con el para dicirlle que quería adquirir un dos seus libros. Sanderson mandara o manuscrito da súa sexta novela, Elantris, un ano e medio antes. Elantris foi publicado por Tor Books o 21 de abril de 2005, con críticas xeralmente positivas. Seguiuno en 2006 Mistborn: The Final Empire, o primeiro libro na súa triloxía de fantasía Mistborn, na cal allomancers (persoas coa habilidade de "queimar" metais e aliaxes tras inxerilos) conseguen unha mellora dos seus sentidos e control do poderosas forzas sobrenaturais.

Publicou o segundo libro da saga Mistborn, The Well of Ascension, en 2007. Máis tarde ese ano, Sanderson publicou a novela infantil Alcatraz Versus the Evil Librarians, sobre un rapaz chamado Alcatraz con talento para romper cousas. Alcatraz enfróntase a un grupo de bibliotecarios malvados dispostos a conquistar o mundo. A primeira das súas "leis da maxia" foi publicada en 2007, coa segunda e a terceira publicadas en 2012 e 2013, respectivamente. No 2008, o terceiro e último libro da triloxía de Mistborn foi publicado, titulado The Hero of Ages, alén do segundo libro da saga Alcatraz, titulado Alcatraz Versus the Scrivener's Bones. Ese mesmo ano comezou o podcast Writing Excuses con Howard Tayler e Dan Wells.

The Wheel of Time

Sanderson fíxose máis coñecido a finais de 2007, cando Harriet McDougal, a esposa e editora do autor Robert Jordan, escolleu a Sanderson para completar os libros finais da saga de fantasía épica de Jordan The Wheel of Time após a súa morte. McDougal pediulle que acabara a saga tras quedar profundamente impresionada pola primeira novela de Mistborn, The Final Empire. Tor Books fixo o anuncio o 7 de decembro de 2007. Tras revisar o que sería necesario para completar a saga, Sanderson e Tor anunciaron o 30 de marzo de 2009 que a publicación do final constaría de tres tomos e non un só. O primeiro deles, The Gathering Storm, foi publicado o 27 de outubro de 2009 e alcanzou o posto número un na listaxe de éxitos de vendas en tapa dura do New York Times. Towers of Midnight, o penúltimo libro de The Wheel of Time, foi publicado xusto un ano despois de The Gathering Storm, o 2 de novembro de 2010, debutando no número un das listas de éxitos. A comezos de 2013, a saga foi completada coa publicación de A Memory of Light.

Após The Wheel of Time

No 2009, Tor Books publicou Warbreaker, que orixinalmente foi publicada capitularmente na páxina web de Sanderson mentres escribía a novela entre o 2006 e o 2009. No mesmo ano, o terceiro libro de Alcatraz foi publicado, titulado Alcatraz Versus the Knights of Crystallia. No 2010, Sanderson publicou The Way of Kings, o primeiro dunha saga de dez libros chamada The Stormlight Archive. Alcanzou o sétimo posto na listaxe de éxitos en tapa dura do New York Times. A cuarta novela de Alcatraz, Alcatraz Versus the Shattered Lens seguiuna pouco despois.

En outubro de 2011 acabou a novela curta en formato dixital Infinity Blade: Awakening, baseada no videoxogo de rol para iOS Infinitiy Blade, desenvolvido por Chair Entertainment e Epic Games. En novembro de 2011 publicou unha secuela da triloxía de Mistborn, The Alloy of Law. Orixinalmente foi planeada como unha novela independente ambientada uns 300 anos despois da triloxía orixinal, mais finalmente foi expandida a unha saga de catro libros. Debutou no sétimo posto da listaxe de éxitos do New York Times.

O 31 de agosto de 2012, Sanderson publicou unha novela curta de ciencia ficción titulada Legion, seguida dun relato curto titulado The Emperor's Soul. En 2013, Sanderson publicou dúas sagas novas para adolescentes. Estas incluían The Rithmatist e a primeira da saga The Reckoners, titulada Steelheart. En marzo de 2014, Words of Radiance, o segundo libro de The Stormlight Archive, foi publicado.

Máis tarde aquel ano, Sanderson tamén publicou a segunda novela curta da saga Legion: Skin Deep. En xaneiro de 2015, o segundo libro de The Reckoners, titulado Firefight, foi publicado. Nove meses despois Sanderson publicou Shadows of Self como secuela directa de The Alloy of Law. O 16 de novembro de 2015, a axencia de Sanderson, JABberwocky Literary Agency, anunciou oficialmente que Sanderson vendera máis de 7 millóns de copias en todo o mundo.

O 26 de xaneiro de 2016, The Bands of Mourning foi publicada como secuela de Shadows of Self. O 16 de febreiro de 2016, o terceiro e último libro da triloxía de The Reckoners, titulado Calamity, foi publicado. En xuño de 2016, a primeira novela gráfica de Sanderson, White Sand, escrita xunto con Rik Hoskin, foi lanzada. A saga será unha triloxía. As novelas gráficas están baseadas nun manuscrito orixinal de Sanderson. O 6 de setembro de 2016, o quinto libro de Alcatraz foi publicado, chamado Alcatraz Versus the Dark Talent.

O 22 de novembro de 2016, unha antoloxía de historias e novelas curtas do Cosmere titulada Arcanum Unbounded: The Cosmere Collection foi publicada. O terceiro libro de The Stormlight Archive, Oathbringer, foi publicado o 14 de novembro de 2017. O primeiro libro da saga Defiant, Skyward, foi publicado o 6 de novembro de 2018. O segundo libro da saga, Starsight, foi lanzado o 26 de novembro de 2019. En setembro de 2020 foi lanzado un proxecto colaborativo coa autora Mary Robinette Kowal chamado The Original. Rhythm of War, a cuarta novela de The Stormlight Archive, foi publicada o 17 de novembro de 2020. Nese ano, a axencia de Sanderson actualizou o seu número de copias vendidas a máis de 18 en todo o mundo e, a principios de 2021, a máis de 21 millóns.

Cosmere

O Cosmere é o nome do universo en que se localizan Elantris, Mistborn, Warbreaker, The Stormlight Archive, White Sand e historias pertencentes a Arcanum Unbounded: The Cosmere Collection. Esta idea naceu do desexo de Sanderson de crear unha saga de extensión épica sen necesidade de que as persoas lectoras compraren un número ridículo de libros. Por ese motivo, oculta conexións con outras obras súas en cada libro, creando unha "épica oculta". Estima que a totalidade do cosmere podería concluír con, polo menos, 40 libros.

A historia do cosmere trata sobre un ser misterioso chamado Adonalsium, quen existiu nun mundo coñecido como Yolen. Adonalsium foi asasinado por un grupo de dezaseis conspiradores, resultando así na división do seu poder en dezaseis Shards ('estelas'), cada unha continente dun inmeso poder. As dezaseis persoas tomaron estas Estelas e viaxaron a novos mundos, habitándoos con diferentes sistemas de maxia. Nun caso, as Estelas de Ruin ('ruína') e Preservation ('conservación') traballaron xuntas para crearen un planeta e os seus habitantes (Scadrial, onde ten lugar a saga Mistborn).

Cada Estela ten unha Intent ('intención'), como Ambition ('ambición') ou Honor ('honor'), e a personalidade do portador cambia co tempo para adecuarse á súa intención. Odium asasinou (ou Estelou) varias Estelas. En Sel Estelou Devotion ('devoción') e Dominion ('dominio'), creando accidentalmente a dor, do cal Seons e Skaze emerxeron. En Roshar, Odium Estelou Honor e trouxo consigo a Everstorm ('tormenta eterna') e a True Desolation ('desolación verdadeira'). Tamén Estelou Ambition ('ambición'), no sistema Threnody. Un home chamado Hoid é visto ou mencionado na maioría dos libros do Cosmere. Viaxa aos chamados Shardworlds ('mundos de estela'), utilizando a xente de ditos mundos para levar a cabo un plan descoñecido.

Leis da Maxia de Sanderson

A idea de maxia dura e maxia branda foi popularizada por Sanderson para a creación de mundo e a creación de sistemas de maxia en escenarios ficticios. A terminoloxía de branda e dura ten a súa orixe nas ciencias duras e brandas, ciencia ficción dura, fantasía dura e ciencia ficción branda e ambos termos son maneiras aproximadas de caracterizar os dous extremos dun espectro. Os sistemas de maxia dura seguen regras específicas, a maxia é controlada e explicada á persoa lectora na narración detallando as mecánicas sobre como a maxia funciona e pode ser empregada para construír mundos interesantes que xiren arredor do sistema de maxia. Os sistemas de maxia branda poden non ter regras ou límites claramente delimitados ou presentar unha explicación limitada do seu funcionamento e son usados para crear unha sensación de asombro na persoa lectora.

As tres leis da maxia de Sanderson son guías para a escritura creativa que poden ser usadas para crear sistemas de maxia para historias de fantasía.

A habilidade dun autor ou autora de resolver un conflito con maxia é directamente proporcional a como de ben a persoa lectora entende dita maxia.
As debilidades, os límites e os custos son máis interesantes ca os poderes.
O autor ou a autora debería afondar no que xa é unha parte do sistema de maxia antes de engadir algo totalmente novo, xa que isto pode cambiar por completo como o sistema de maxia encaixa no mundo ficticio.

Adicionalmente, existe unha lei cero: sempre pecar de espectacularidade.

Docencia

Sanderson é profesor adxunto en Brigham Young University, dando un curso de escritura creativa ao ano. Sanderson tamén participa no podcast semanal Writing Excuses co autor Dan Wells, a autora Mary Robinette Kowal e o debuxante web Howard Tayler.

Bibliografía

Artigo principal: Bibliografía de Brandon Sanderson

Premios e distincións

Sanderson ten sido nomeado e tamén ten gañado varios premios polos seus múltiples traballos. Ver Writing Excuses para galardóns e nomeamentos adicionais.

Ano	Organización	Título do premio Categoría	Traballo	Resultado
2005	Romantic Times	Reviewers' Choice Best Book Award Best Epic Fantasy Novel Award	Elantris	Gañador
2006	World Science Fiction Convention	John W. Campbell Award for Best New Writer		Nomeado
2006	Romantic Times	Reviewers' Choice Best Book Award Best Epic Fantasy Novel Award	Mistborn	Nomeado
2007	World Science Fiction Convention	John W. Campbell Award for Best New Writer		Nomeado
	Romantic Times	Reviewers' Choice Best Book Award Best Epic Fantasy Novel Award	The Well of Ascension	Nomeado
	Universidade Politécnica de Cataluña	UPC Science Fiction Award	Defending Elysium	Gañador
	LDStorymakers	Whitney Awards Best Speculative Fiction	The Well of Ascension	Nomeado
	LDStorymakers	Whitney Awards Best Youth Fiction	Alcatraz Versus the Evil Librarians	Nomeado
2008	Romantic Times	Reviewers' Choice Best Book Award Best Epic Fantasy Novel Award	The Hero of Ages	Gañador
2008	LDStorymakers	Whitney Awards Best Speculative Fiction Award	The Hero of Ages	Gañador
2009	LDStorymakers	Whitney Awards Best Speculative Fiction Award	Warbreaker	Nomeado
2010	LDStorymakers	Whitney Awards Best Speculative Fiction Award	The Way of Kings	Gañador
	LDStorymakers	Whitney Awards Best Novel of the Year Award	The Way of Kings	Gañador
	Goodreads	Goodreads Choice Awards 2010 Best Fantasy of 2010	Towers of Midnight	Gañador
2011	DGLA	David Gemmell Legend Award	The Way of Kings	Gañador
2011	LDStorymakers	Whitney Awards Best Speculative Fiction Award	The Alloy of Law	Gañador
2012	Goodreads	Goodreads Choice Awards 2012 Best Fantasy of 2012	The Emperor's Soul	Nomeado
2013	World Science Fiction Society	Hugo Award Best Novella	The Emperor's Soul	Gañador
	World Fantasy Convention	World Fantasy Award Best Novella	The Emperor's Soul	Nomeado
	Goodreads	Goodreads Choice Awards 2013 Best Fantasy of 2013	A Memory of Light	Nomeado
	LDStorymakers	Whitney Awards Best Young Adult-Speculative	Steelheart	Gañador
	Goodreads	Goodreads Choice Awards 2013 Best Young Adult Fantasy of 2013	Steelheart	Nomeado
2014	World Science Fiction Society	Hugo Award Best Novel	The Wheel of Time	Nomeado
	DGLA	David Gemmell Legend Award Best Novel	A Memory of Light	Nomeado
	Goodreads	Goodreads Choice Awards 2014 Best Fantasyof 2014	Words of Radiance	Nomeado
	Whitney Awards	2014 Whitney Finalists Speculative	Words of Radiance	Gañador
2015	DGLA	David Gemmell Legend Award Legend Award	Words of Radiance	Gañador
	Goodreads	Goodreads Choice Awards 2015 Best Fantasy of 2015	Shadows of Self	Nomeado
	Goodreads	Goodreads Choice Awards 2015 Best Young Adult Fantasy of 2015	Firefight	Nomeado
2016	World Science Fiction Society	Hugo Award Best Novella	Perfect State	Nomeado
2016	Dragon Con	Dragon Award Best Young Adult / Middle Grade Novel	Calamity	Nomeado
2017	DGLA	David Gemmell Legend Award Legend Award	The Bands of Mourning	Nomeado
2018	DGLA	David Gemmell Legend Award Best Fantasy Novel	Oathbringer	Nomeado
2018	World Science Fiction Society	Hugo Award Best Series	The Stormlight Archive	Nomeado

Notas

↑ "Profile of Brandon Sanderson". writertopia.com (en inglés). 2012. Consultado o 6 de maio de 2021.
↑ Lang, Brent; Lang, Brent (2016-10-27). "DMG Nabs Rights to Brandon Sanderson’s ‘Cosmere’ Book Universe in Massive Deal (EXCLUSIVE)". Variety (en inglés). Consultado o 2021-05-06.
↑ ^3,0 ^3,1 ^3,2 chief (2009-11-23). "About Brandon". Brandon Sanderson (en inglés). Consultado o 2021-05-06.
↑ "Ken Jennings - Blog". Arquivado dende o orixinal o 13 de agosto de 2019. Consultado o 2021-05-06.
↑ "Profiles". Y Magazine (en inglés). Consultado o 2021-05-06.
↑ "BrandonSanderson.com". web.archive.org. 2006-10-06. Archived from the original on 06 de outubro de 2006. Consultado o 2021-05-06.
↑ "Brandon Sanderson: Brandon Sanderson Newsletter for February 2010". web.archive.org. 2013-04-18. Archived from the original on 18 de abril de 2013. Consultado o 2021-05-06.

Véxase tamén

[1] "Profile of Brandon Sanderson". writertopia.com (en inglés). 2012. Consultado o 6 de maio de 2021.

[2] Lang, Brent; Lang, Brent (2016-10-27). "DMG Nabs Rights to Brandon Sanderson’s ‘Cosmere’ Book Universe in Massive Deal (EXCLUSIVE)". Variety (en inglés). Consultado o 2021-05-06.

[:0-3] 3,0 ^3,1 ^3,2 chief (2009-11-23). "About Brandon". Brandon Sanderson (en inglés). Consultado o 2021-05-06.

[4] "Ken Jennings - Blog". Arquivado dende o orixinal o 13 de agosto de 2019. Consultado o 2021-05-06.

[5] "Profiles". Y Magazine (en inglés). Consultado o 2021-05-06.

[6] "BrandonSanderson.com". web.archive.org. 2006-10-06. Archived from the original on 06 de outubro de 2006. Consultado o 2021-05-06.

[7] "Brandon Sanderson: Brandon Sanderson Newsletter for February 2010". web.archive.org. 2013-04-18. Archived from the original on 18 de abril de 2013. Consultado o 2021-05-06.

[1]

[2]

[3]

[4]

[5]

[6]

[7]