Brainiac

Na Galipedia, a Wikipedia en galego.
Brainiac
OrixeDayton, Ohio,
Período1992 - 1997
Xénero(s)indie rock, noise rock, math rock, rock experimental, synthpunk
Selo(s) discográfico(s)Touch and Go Records
MembrosTim Taylor
Juan "Monostereo" Monasterio
Michelle Bodine
Tyler Trent
Ian Little
John Schmersal
Artistas relacionadosEnon
Na rede
Facebook: 3RA1N1AC Twitter: brainiac_music Instagram: brainiac_band Youtube: UCEx0UlHKuiFym4j1e190iZQ Bandcamp: brainiacSouncloud: brainiac-official Spotify: 0No2Og1pAwgw0eMmY6PPVP iTunes: 15801463 Last fm: Brainiac Musicbrainz: 8db9ae5b-4412-434a-aedd-dc2bb316c355 Songkick: 494841 Discogs: 20019 Allmusic: mn0000515755 Editar o valor em Wikidata

Brainiac (ás veces escrito como 3RA1N1AC) foi unha banda estadounidense de indie rock formada en 1992 en Dayton, Ohio. O grupo separaríase en 1997 tras a morte repentina do seu vocalista Tim Taylor.

Historia[editar | editar a fonte]

Brainiac formouse en Dayton, Ohio, en xaneiro de 1992 co vocalista, guitarrista e teclista (principalmente de sintetizadores Moog) Tim Taylor, o baixista Monostereo (Juan Monasterio), a guitarrista Michelle Bodine e o batería Tyler Trent.[1] O 12 de marzo dese ano a banda realizou o seu primeiro concerto na cafetería da Wright State's University co nome de We'll Eat Anything.

Tras un feixe de sinxelos, o grupo publicou o seu ábum de estrea, Smack Bunny Baby, a través de Grass/BMG Records en 1993.[1] Bonsai Superstar, agora con John Schmersal na guitarra en lugar de Bodine, foi editado no ano seguinte.[1] En 1995 o grupo tocou no festival de Lollapalooza e gravou catro cancións no Reino Unido nunha Peel Session da BBC Radio 1. A banda fichou por Touch and Go Records e editou o EP Internationale, producido por Kim Deal (dos Pixies). O ano seguinte editaron o seu terceiro álbum, Hissing Prigs in Static Couture, a través do selo Touch and Go.[1] Os seus tres álbums foron producidos por Eli Janney (de Girls Against Boys).

Brainiac actuou como abreconcertos para Beck, The Breeders e The Jesus Lizard e recibiu ofertas de grandes discográficas. En 1997 a banda publicou un EP de música electrónica chamado Electro-Shock for President que acabaría sendo o seu derradeiro traballo: Taylor morreu nun accidente de tráfico on 23 de maio dese ano durante a prepodución do seu cuarto álbum, que ía ser editado por Interscope Records.[1] O grupo separouse pouco despois.

Discografía[editar | editar a fonte]

Álbum Ano Selo
Smack Bunny Baby 1993 Grass/BMG
Bonsai Superstar 1994 Grass/BMG
Hissing Prigs in Static Couture 1996 Touch & Go
  1. 1,0 1,1 1,2 1,3 1,4 The Virgin encyclopedia of nineties music. London: Virgin in association with Muze UK. 2000. ISBN 0-7535-0427-8. OCLC 59455393.