Brántega, Agolada
| Brántega | |
|---|---|
 Igrexa de San Lourenzo de Brántega. | |
 | |
| Concello | Agolada[1] |
| Provincia | Pontevedra |
| Coordenadas | 42°47′35″N 8°05′49″O / 42.7931622, -8.0968401Coordenadas: 42°47′35″N 8°05′49″O / 42.7931622, -8.0968401 |
| Área | 6,37 km² |
| Poboación | 67 hab. (2020) |
| Densidade | 10,52 hab./km² |
| Entidades de poboación | 11[1] |
| [ editar datos en Wikidata ] | |
San Lourenzo de Brántega é unha parroquia que se localiza no oeste do concello de Agolada. Segundo o IGE en 2018 tiña 67 habitantes (25 homes e 42 mulleres),[2] 173 menos ca en 1999. Ten nove entidades de poboación.
Toponimia[editar | editar a fonte]
O topónimo Brántega é de orixe descoñecida.[3]
Economía[editar | editar a fonte]
A parroquia de Brántega foi cabeza do concello e nela celebrábase unha importante feira no lugar da Feira Nova o día 26 de cada mes, hoxe desaparecida. Ademais é un nó de comunicacións para as freguesías do arredor e mantén unha certa actividade comercial e de servizos. A súa maior riqueza é a forestal e destaca pola súa produción de cortiza, xa que a sobreira medra en abundancia na cunca do río Arnego, afectada polo incendio de Toiriz en maio de 2018.
A gandería é a principal economía da parroquia e hai plantacións de eucalipto e piñeiro, decote afectadas polos incendios. O resto da economía local é a denominada economía de subsistencia propia das aldeas, entre a que se sitúa a produción apícola, moi afectada polas vespas velutinas[Cómpre referencia].
Patrimonio[editar | editar a fonte]
Brántega é un nome de raíz céltica. Existen na parroquia varios túmulos funerarios no Campo da Mámoa e en Moas, así como numerosos cruceiros
A igrexa parroquial, do século XVIII, garda un retablo barroco. Ademais da igrexa, hai tres capelas nos lugares de Moas, O Casal e A Feira Nova.
No tocante á arquitectura civil, na aldea de Moas existe un vello casal con escudo nobiliario que pertenceu ao conde de Pallares.
Nesta parroquia tivo a súa sede a Banda de música de Brántega.
Festas[editar | editar a fonte]
O titular de Brántega é San Lourenzo, pero a festa patronal e a de San Bartolomeu o 24 e 25 de agosto[4].
Celébrase tamén no lugar da Feira Nova a Festa da Santa Cruz.
Galería de imaxes[editar | editar a fonte]
-
Campo da festa de Brántega. -
Monumento aos músicos de Brántega. -
Fonte no campo da feira de Brántega. -
Vistas do val de Brántega.
Lugares e parroquias[editar | editar a fonte]
Lugares de Brántega[editar | editar a fonte]
| Lugares da parroquia de Brántega no concello de Agolada (Pontevedra) | |
|---|---|
|
A Carballa | O Casal | Castro | A Eirexe | A Feira Nova | Fondo de Brántega | Moas | Sobrado | As Torres | Vilanova | O Vilar |
Parroquias de Agolada[editar | editar a fonte]
Notas[editar | editar a fonte]
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ https://www.ine.es/nomen2/inicio_r.do
- ↑ Méndez, Luz (2016). Toponimia de Agolada. A Coruña: Real Academia Galega. p. 33-34. ISBN 978-84-946005-4-8.
- ↑ La parroquia agoladense de Brántega celebra la fiesta de San Bartolomé el 24 y 25... (en castelán)
Véxase tamén[editar | editar a fonte]
Bibliografía[editar | editar a fonte]
- González Alén, Daniel; Vázquez Crespo, Armando (1989). A Comarca do Deza. Deputación de Pontevedra.
Outros artigos[editar | editar a fonte]
| Control de autoridades |
|
|---|
