Bosque de coníferas temperado

Un bosque de coníferas temperado é un bioma terrestre definido polo Fondo Mundial para a Natureza (WWF polas súas siglas en inglés). Os bosques de coníferas temperados atópanse predominantemente en áreas con veráns cálidos e invernos fríos, e varían en canto aos seus tipos de flora. Nalgúns, dominan as árbores perennes de follas aciculares, mentres que noutros predominan árbores perennes de folla ancha ou unha mestura de ambos os tipos de árbores.^[1] Un tipo de hábitat distinto, o bosque de coníferas tropical, dáse en climas máis tropicais.

Os bosques de coníferas temperados son comúns en áreas costeiras de rexións que teñen invernos suaves e fortes precipitacións, ou en climas continentais máis secos ou en áreas de montaña. Nestes bosque viven moitas especies de árbores, como os piñeiros, cedros, abetos e sequoias. O sotobosque tamén contén unha ampla variedade de plantas herbáceas e arbustivas. Os bosques de coníferas temperados manteñen os maiores niveis de biomasa de calquera ecosistema terrestre e son notables polos enormes tamaños das árbores en rexións de bosque pluvial temperado.^[1]

Estruturalmente, estes bosques son bastante simples, e xeralmente constan de dúas capas ou estratos: un dosel arbóreo e un sotobosque. Porén, algúns bosques poden conter un estrato de arbustos. Os bosques de piñeiros manteñen un estrato no chan de herbáceas que pode estar dominado polas graminoides e non graminoides, que poden favorecer incendios forestais ecoloxicamente importantes. A diferenza disto, as condicións húmidas atopadas nos bosques pluviais temperados favorecen a dominancia dos fentos e algunhas herbáceas non graminoides.^[1]

As comunidades forestais dominadas por árbores de gran tamaño (por exemplo, as sequoias Sequoiadendron gigantea e Sequoia sempervirens), que son fenómenos ecolóxicos pouco comúns, aparecen no oeste de América do Norte, suroeste de América do Sur e na rexión de Australasia en áreas como o sueste de Australia e norte de Nova Zelandia.^[1]

A ecorrexión Klamath-Siskiyou do oeste de América do Norte alberga ensamblaxes de especies diversas e pouco comúns e presenta notables endemismos en taxons de plantas e animais.^[1]^[2]

Ecorrexións

Eurasia

v c e Ecorrexións de bosques de coníferas temperados paleárticos
Bosque de coníferas e mixto dos Alpes	Austria, Francia, Alemaña, Italia, Eslovenia, Suíza
Estepa boscosa e bosque de montaña de Altai	China, Kazakhstán, Mongolia, Rusia
Bosque de coníferas caledoniano	Reino Unido
Bosque de coníferas de montaña dos Cárpatos	República Checa, Polonia, Romanía, Eslovaquia, Ucraína
Bosque de coníferas das montañas Hinggan–Dzhagdy	China, Rusia
Bosque de coníferas de montaña do leste de Afganistán	Afganistán, Paquistán
Estepa boscosa da cordillera de Elburz	Irán
Bosque de coníferas de montaña de Helanshan	China
Bosque de coníferas subalpino das montañas Hengduan	China
Bosque de coníferas de montaña de Hokkaido	Xapón
Bosque de coníferas alpino de Honshū	Xapón
Bosque de coníferas das montañas Khangai	Mongolia
Bosque de coníferas e mixto mediterráneo	Alxeria, Marrocos, España, Tunisia
Bosque de coníferas subalpino do nordés do Himalaia	China, India, Bután
Bosque de coníferas e caducifolio do norte de Anatolia	Turquía
Bosque de coníferas e mixto alpino da garganta de Nujiang Langcang	China
Bosque de coníferas das Montañas Qilian	China
Bosque de coníferas de Qionglai–Minshan	China
Bosque de coníferas de montaña de Sayan	Mongolia, Rusia
Bosque de coníferas costeiro escandinavo	Noruega
Bosque de coniferas de montaña de Tian Shan	China, Kazakhstán, Kirguizistán

Ecorrexións de bosques de coníferas temperados indomalaios v c e
Bosque de coníferas subalpino do leste do Himalaia	Bután, India, Nepal
Bosque de coníferas subalpino do oeste do Himalaia	India, Nepal, Paquistán

América do Norte

Ecorrexións de bosques de coníferas temperados neárticos v c e
Bosque das montañas de Alberta	Canadá
Bosque do pedemonte de Alberta-Columbia Británica	Canadá
Bosque das montañas de Arizona	Estados Unidos
Ermos de piñeiros da costa atlántica	estados Unidos
Bosque das Montañas Azuis	Estados Unidos
Bosque costeiro das terras continentais da Columbia Británica	Canadá, Estados Unidos
Bosque de sotavento das montañas Cascadas	Canadá, Estados Unidos
Bosque das Cascadas meridionais e centrais	Estados Unidos
Bosque de montaña da Columbia Británica central	Canadá
Bosque costeiro do Pacífico central	Canadá, Estados Unidos
Bosque das Rochosas de Colorado	estados Unidos
Bosque das Cascadas orientais	Canadá, Estados Unidos
Complexo da Meseta e Cunca do Fraser	Canadá
Mato da Florida	Estados Unidos
Bosque de montaña da Gran Cunca	Estados Unidos
Haida Gwaii	Canadá
Bosque de Klamath-Siskiyou	Estados Unidos
Bosque costeiro mesoatlántico	estados Unidos
Bosque das Rochosas centroseptentrionais	Canadá, Estados Unidos
Bosque costeiro do norte de California	Estados Unidos
Bosque costeiro do Pacífico norte	Canadá, Estados Unidos
Bosque alpino transicional do norte	Canadá
Bosque seco de Okanagan	Canadá, Estados Unidos
Bosque de Piney Woods	Estados Unidos
Bosque das terras baixas de Puget	Canadá, Estados Unidos
Bosque de piñeiros-carballos de Sierra Juárez e San Pedro Mártir	México
Bosque de Sierra Nevada	estados Unidos
Bosque das Rochosas centromeridionais	estados Unidos
Bosque de coníferas do sueste	Estados Unidos
Bosque de montaña de Wasatch e Uinta	Estados Unidos

Notas

1 2 3 4 5 [CC BY-SA] World Wide Fund for Nature. "Temperate Coniferous Forest Ecoregions". Arquivado dende o orixinal o 2011-01-02.
↑ Kauffmann, Michael (2012). Conifer Country. Kneeland: Backcountry Press. ISBN 978-0-578-09416-8.

Véxase tamén

Outros artigos

Bosque caducifolio temperado

Bibliografía

Waring, Richard H (2002). "Temperate coniferous forest" (PDF). Volume 2, The Earth system: biological and ecological dimensions of global environmental change. Chichester: John Wiley & Sons, Ltd. pp. 560–565. Consultado o 18 de abril de 2012.

Ligazóns externas

Bosques temperados Arquivado 31 de outubro de 2019 en Wayback Machine.

[wwf-1] 1 2 3 4 5 [CC BY-SA] World Wide Fund for Nature. "Temperate Coniferous Forest Ecoregions". Arquivado dende o orixinal o 2011-01-02.

[2] Kauffmann, Michael (2012). Conifer Country. Kneeland: Backcountry Press. ISBN 978-0-578-09416-8.

[1]

[2]