Bonnie J. Dunbar

Na Galipedia, a Wikipedia en galego.
Saltar ata a navegación Saltar á procura
Bonnie J. Dunbar
Bonnie J. Dunbar.jpg
Datos persoais
Nacemento3 de marzo de 1949
LugarSunnyside
CónxuxeRonald Sega
Actividade
MisiónsSTS-61-A, STS-32, STS-50, STS-71 e STS-89
Tempo no espazo50,35 días
PremiosUnited States Astronaut Hall of Fame, Society of Women Engineers Achievement Award e Women in Technology Hall of Fame
editar datos en Wikidata ]

Bonnie Jeanne Dunbar, nada en Sunnyside (Washington) o 3 de marzo de 1949, é unha astronauta estadounidense retirada que formou parte das misións STS-61-A, STS-32, STS-50, STS-71 e STS-89. Pasou un total de 50,35 días no espazo.[1][2]

Traxectoria[editar | editar a fonte]

Dunbar graduouse en ciencias e enxeñería da cerámica pola Universidade de Washington en 1971 e 1975 respectivamente. Ten un doutoramento en enxeñería mecánica e biomédica pola Universidade de Houston en 1983.[1][2]

En 1978 tivo un posto de oficial de carga útil e controladora de voo no Centro Espacial Lyndon B. Johnson. Traballou no posto de oficial de navegación e guiado e controladora de voo durante a reentrada controlada da estación espacial Skylab en 1979. Posteriormente foi nomeada oficial de proxecto e carga útil para a integración de varias cargas útiles dos transbordadores espaciais.[1][2]

Foi seleccionado pola NASA como astronauta en agosto de 1981, participando nas misións STS-61-A, STS-32, STS-50, STS-71 e STS-89 e pasando un total de 50,35 días no espazo. Retirouse da NASA en setembro de 2005 para pasar a ser presidente do Museo do Voo en Seattle, Washington.[1]

Notas[editar | editar a fonte]

  1. 1,0 1,1 1,2 1,3 Mark Wade (2019). "Dunbar, Bonnie Jeanne" (en inglés). Consultado o 25 de xaneiro de 2020. 
  2. 2,0 2,1 2,2 NASA, ed. (setembro de 2005). "BONNIE J. DUNBAR (PH.D.)NASA ASTRONAUT (FORMER)" (PDF) (en inglés). Consultado o 25 de xaneiro de 2020. 

Véxase tamén[editar | editar a fonte]

Outros artigos[editar | editar a fonte]