Bodhidharma

Na Galipedia, a Wikipedia en galego.
Saltar ata a navegación Saltar á procura
Bodhidharma
BodhidharmaYoshitoshi1887.jpg
Nacemento483
 India
Falecemento540
 Shaolin
RelixiónBudismo e Zen
Ocupaciónbhikkhu e filósofo
Coñecido porsen etiquetar
editar datos en Wikidata ]

Bodhidharma foi un semilendario monxe budista que viviu durante os séculos V ou VI. Está considerado tradicionalmente como o tranmisor do budismo chan á China, e como o primeiro patriarca chinés. Segundo a lenda chinesa, tamén comezou a adestrar fisicamente os monxes do mosteiro shaolin que levou á creación do kungfu shaolin. No Xapón é coñecido como Daruma. O seu nome significa "dharma do espertar (bodhi)" en sánscrito.[1]

Existe escasa información biográfica contemporánea sobre Bodhidharma, e os textos posteriores enchéronse de lendas e detalles incribles.[2][note 1]

Segundo as principais fontes chinesas, Bodhidharma era orixinario das rexións occidentais,[5][6] que se refire á Asia Central, mais pode incluír tamén o subcontinente indio, e era "persa da Asia Central"[5] ou "indio do sur [...] terceiro fillo dun gran rei indio".[6][note 2] Na arte budista, Bodhidharma é representado como unha persoa non chinesa irritable, con gran barba e ollos profundos. Nos textos Chan é mencionado como "O bárbaro de ollos azuis" (碧眼胡, Bìyǎnhú).[11]

Á parte dos relatos chineses, existen varias tradicións sobre as orixes de Bodhidharma.[note 3]

As fontes tamén difiren na data da súa chegada, coa máis antiga indicando que chegou durante a dinastía Liu Song (420–479) e outras durante a dinastía Liang (502–557). Bodhidharma estivo activo principalmente no territorio de Wei Setentrional (386–534). Os estudosos modernos dátano arredor do principio do século V.[16]

As ensinanzas e as prácticas de Bodhidharma centráronse na meditación e no Laṅkāvatāra Sūtra. A Antoloxía do Salón Patriarcal (952) identifícao como o 28.º patriarca do budismo nunha liña ininterrompida que se estende ata o propio Gautama Buda.[17] Bodhidharma tamén é coñecido como "O brahmin do grande ollar".[18]

Notas[editar | editar a fonte]

  1. Hai tres fontes principais para a biografía de Bodhidharma:[3]
    • Yáng Xuànzhī's The Record of the Buddhist Monasteries of Luoyang (547);
    • Prefacio de Tánlín a Two Entrances and Four Acts (século VI), que tamén se conserva en Chronicle of the Lankavatar Masters de Ching-chüeh (713–716);[4]
    • Further Biographies of Eminent Monks de Daoxuan (século VII).
  2. As orixes mencionadas nas fontes son:
    • "[Un] monxe das rexións occidentais chamado Bodhidharma, un persa de Asia Central"[5] c.q. "de Persia"[7] (Buddhist monasteries, 547);
    • "[Un] indio do sur das rexións occidentais. Era o terceiro fillo dun gran rei indio".[6] (Tanlin, 6th century CE);
    • "Que viña do sur da India nas rexións occidentais, terceiro fillo dun gran rei brahman"[8] c.q. "o terceiro fillo dun brahman do sur da India" [7] (Lankavatara Masters, 713–716[4]/ca. 715[7]);
    • "De estirpe brahman do sur da India"[9] c.q. "un monxe brahman do sur da India"[7] (Further Biographies, 645).
    Broughton ademais indica: "A referencia é que Bodhidharma é iraniano, non indio. Non hai, non obstante, nada implausible sobre un mestre budista iraniano do século VI que fixese o camiño ao norte da China a través da ruta da seda. Esta situación é de feito máis posible que a dun mestre do sur da India que fixese a ruta por mar".[10]
  3. Unha tradición india considera que Bodhidharme era o terceiro fillo dun rei Pallava támil de Kanchipuram.[12][13] As tradicións tibetana e do sueste consideran que Bodhidharma era un indio do sur,[14] caracterizándoo como un dravidiano de pel escura.[15] A tradición xaponesa xeralmente considera a Bodhidharma como persa.[web 1]
Referencias
  1. Goodman & Davidson 1992, p. 65.
  2. McRae 2003, p. 26-27.
  3. Dumoulin, Heisig & Knitter 2005, p. 85-90.
  4. 4,0 4,1 Dumoulin, Heisig & Knitter 2005, p. 88.
  5. 5,0 5,1 5,2 Broughton 1999, p. 54–55.
  6. 6,0 6,1 6,2 Broughton 1999, p. 8.
  7. 7,0 7,1 7,2 7,3 McRae 2003, p. 26.
  8. Dumoulin, Heisig & Knitter 2005, p. 89.
  9. Dumoulin, Heisig & Knitter 2005, p. 87.
  10. Broughton 1999, p. 54-55.
  11. Soothill & Hodous 1995.
  12. Kambe 2012.
  13. Zvelebil 1987, p. 125-126.
  14. Anand Krishna (2005). Bodhidharma: Kata Awal adalah Kata Akhir (en indonesio). Gramedia Pustaka Utama. ISBN 9792217711. 
  15. Edou 1996.
  16. Macmillan (publisher) 2003, p. 57, 130.
  17. Philippe Cornu, Dictionnaire enclyclopédique du Bouddhisme
  18. Nukariya, Kaiten (2012). The Religion Of The Samurai (en inglés). Jazzybee Verlag. ISBN 978-3-8496-2203-9. 

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]