Blaise Matuidi

Na Galipedia, a Wikipedia en galego.
Blaise Matuidi
Matuidi.
Información persoal
Nome completoBlaise Matuidi
Nacemento9 de abril de 1987 (31 anos)
LugarTolosa, Francia
Altura1,75 m
PosiciónCentrocampista
Información de club
Club actualParis Saint-Germain
Número14
Carreira xuvenil
1993–1998Fontenay-sous-Bois
1998–2001Vincennois
2000–2003Clairefontaine
2001–2004Créteil
2004–2005Troyes
Carreira sénior
AnosEquiposAprs(Gls)
2004–2007Troyes67(4)
2007–2011Saint-Étienne132(3)
2011–Paris Saint-Germain126(11)
Selección nacional
2006–2007Francia sub-199(0)
2006–2009Francia sub-2125(0)
2010–Francia32(4)
* Partidos e goles só en liga doméstica.
† Aparicións (Goles)
‡ Actualizado a 25 de febreiro de 2015

Blaise Matuidi (AFI: [blɛz ma.tɥi.di]), nado en Tolosa (Alta Garona, Mediodía-Pireneos) o 9 de abril de 1987, é un futbolista internacional francés que xoga como centrocampista para o Paris Saint-Germain da Ligue 1 francesa. Desempéñase no campo como centrocampista.

Traxectoria[editar | editar a fonte]

Inicios[editar | editar a fonte]

Nado na cidade de Tolosa, no departamento da Alta Garona, Matuidi é descendente de pai angolano e nai franco-angolana.[1] A pesar de nacer no sur de Francia, criouse xunto cos seus catro irmáns no suburbio parisiense de Fontenay-sous-Bois.[1] Na capital francesa viuse atraído cara o fútbol vendo xogar ao principal equipo da cidade, o Paris Saint-Germain. Debido a isto, converteuse nun admirador do ex-dianteiro do PSG Jay-Jay Okocha.[2] Comezou a súa carreira futbolística á idade de seis anos xogando para o club da súa cidade natal o Fontenay-sous-Bois.[3] Despois de cinco anos no Fontenay, uniuse ao CO Vincennois nas proximidades de Vincennes, onde foi compañeiro de Yacine Brahimi durante un ano. En 1999, Matuidi foi cualificado como un dos mellores xogadores da rexión da Illa de Francia e posteriormente foi seleccionado para asistir á academia de Clairefontaine, onde se forma durante tres tempadas. Alí xoga durante a semana, mentres que ao mesmo tempo xogaba para o Vincennes as fins de semana.

En 2001, deixou ao Vincennes para asinar co club semiprofesional Union Sportive Créteil-Lusitanos; Pasou catro anos na canteira do club converténdose rapidamente nun dos xogadores máis buscados do club. A pesar de recibir unha oferta interesante dos nese momento bicampións de Francia, o Olympique Lyonnais, decide asinar en 2004 co Troyes AC.[3]

París Saint-Germain[editar | editar a fonte]

O 25 de xullo de 2011, o club francés Paris Saint-Germain, confirmou que Matuidi asinara un contrato por tres anos substituíndo ao retirado Claude Makélélé.[4] A taxa do traspaso non foi revelada, mais estímase que foi por volta dos 7,5 millóns de euros máis incentivos futuros.[5] Matuidi foi presentado aos medios de comunicación o mesmo día xunto ao seu compatriota e compañeiro de equipo Jérémy Ménez e fóiselle asignado o dorsal número 14. Matuidi fixo o seu debut na liga o 6 de agosto de 2011 onde o PSG caeu 0-1 contra o Lorient.

Títulos[editar | editar a fonte]

Club[editar | editar a fonte]

Título Club País Ano
Ligue 1 Paris Saint-Germain Flag of France.svg Francia 2013
Supercopa Paris Saint-Germain Flag of France.svg Francia 2013
Copa da Liga Paris Saint-Germain Flag of France.svg Francia 2014
Ligue 1 Paris Saint-Germain Flag of France.svg Francia 2014
Supercopa Paris Saint-Germain Flag of France.svg Francia 2014

Notas[editar | editar a fonte]

  1. 1,0 1,1 corrieredellosport.it, ed. (2 de maio de 2009). "Matuidi, mediano scudo della difesa" (en italiano). 
  2. maxifoot.fr, ed. (16 de abril de 2010). "PSG : quand Okocha régalait Matuidi" (en francés). 
  3. 3,0 3,1 Le Parisien, ed. (15 de xaneiro de 2006). "Matuidi a tout d'un grand" (en francés). 
  4. L'Equipe, ed. (25 de xullo do 2011). "Matuidi et Menez au PSG" (en francés). 
  5. "Matuidi et Ménez s'engagent avec le PSG" (en francés). 25 de xullo de 2011. 

Véxase tamén[editar | editar a fonte]

Ligazóns externas[editar | editar a fonte]