Birds, Beasts, and Relatives

Na Galipedia, a Wikipedia en galego.
Birds, Beasts, and Relatives
Autor Gerald Durrell
País Reino Unido
Lingua inglés
Tema(s) Saga da vida de Gerald Durrell en Corfú
Xénero(s) Novela autobiográfica
Editorial Rupert Hart-Davis
Data de pub. 1956
Precedido por My Family and Other Animals (1956)
Seguido por The Garden of the Gods (1978)


Birds, Beasts, and Relatives ("Paxaros, bestas e similares") é unha novela autobiográfica do naturalista Gerald Durrell, escrita en 1968 e publicada en 1969. Conta as súas vivencias na illa grega de Corfú na súa infancia, entre 1935 e 1939. Describe a vida da familia Durrell na illa dun xeito humorístico, ao tempo que fala da fauna da rexión. É a segunda parte da súa triloxía de Corfú, iniciada con My Family and Other Animals (1956) e completada con The Garden of the Gods (1978).

Trama[editar | editar a fonte]

Aviso: Esta sección pode revelar detalles da trama e/ou do argumento.

As historias relatadas no libro non teñen lugar en orde cronolóxica, e nalgúns casos son semi-ficticias. Por exemplo, o irmán maior de Gerald (o novelista Lawrence Durrell)- non vivía co resto da familia, senón por separado coa súa muller Nancy, que non é mencionada nos libros.

Entre outros personaxes mencionados, aparece a súa nai viúva, o seu irmán Leslie, a súa irmá Margo, e Roger o can. A familia é protexida por Spiro, o seu amigo da illa, e axudada polo doutor Theodore Stephanides, que axuda a Gerald coa súa formación en historia natural.

O libro presenta personaxes novos que non aparecen en My Family and Other Animals. Gerald fai unha viaxe a Londres coa súa nai, para visitar a Margo, que fora temporalmente alí por razóns médicas. Larry trae un novo grupo de amigos excéntricos ao fogar familiar, e a familia é convidada a unha voda nunha aldea, e Gerry presencia o nacemento do primeiro bebé da noiva. Gerry visita a un vello conde, que o agasalla con moucho tras darlle unha comida suntuosa. Despois faise amigo dun xitano que ten un oso bailarín. Finalmente, a familia visita unha ádega ao norte da illa.