Bill Berry

Na Galipedia, a Wikipedia en galego.
Infotaula de personaBill Berry

Editar o valor em Wikidata
Biografía
Nacemento31 de xullo de 1958 Editar o valor em Wikidata (65 anos)
Duluth, Minnesota, Estados Unidos de América Editar o valor em Wikidata
Datos persoais
ResidenciaAthens (1978–)
Macon (1972–1978)
Sandusky (pt) Traducir (1968–1972)
Wauwatosa (pt) Traducir (1961–1968)
Duluth, Minnesota (1958–1961)
Farmington (en) Traducir Editar o valor em Wikidata
País de nacionalidadeEstados Unidos de América Editar o valor em Wikidata
EducaciónUniversidade da Geórgia (pt) Traducir - dereito
Mount de Sales Academy (en) Traducir Editar o valor em Wikidata
Actividade
Ocupaciónbatería , produtor musical , compositor de cancións , músico , labrego Editar o valor em Wikidata
Período de actividade1980 Editar o valor em Wikidata - 1997 Editar o valor em Wikidata
Membro de
Hindu Love Gods (pt) Traducir (1984–1990)
R.E.M. (1980–1997)
Love Tractor (en) Traducir (1980–) Editar o valor em Wikidata
Xénero artísticoRock alternativo Editar o valor em Wikidata
LinguaInglés estadounidense Editar o valor em Wikidata
InstrumentoBatería e Instrumento de percusión Editar o valor em Wikidata

IMDB: nm0077494 Musicbrainz: 098ae3cc-2ca3-4fb2-a6d8-2a7c1a6b3565 Discogs: 402214 Allmusic: mn0001209220 Editar o valor em Wikidata

William "Bill" Thomas Berry, nado o 31 de xullo de 1958 en Duluth, Minnesota, foi o batería da banda de rock alternativo estadounidense R.E.M. durante 17 anos, antes de deixar o grupo e converterse en granxeiro. Ademais do seu labor na batería tamén tocou outros instrumentos como guitarra, baixo, mandolina e piano.

Biografía[editar | editar a fonte]

Berry naceu en Duluth, Minnesota, como o quinto fillo do matrimonio formado por Don e Anna. Aos tres anos Berry mudouse coa súa familia a Wauwatosa, Wisconsin, un suburbio de Milwaukee, onde viviu os seguintes sete anos. En 1968, a familia trasladouse novamente, desta vez a Sandusky, Ohio, na ribeira do lago Erie.

En 1972 a familia de Berry fixo a súa derradeira mudanza a Macon, Xeorxia, xusto cando Bill comezaba o instituto. Foi alí onde coñeceu ao baixista Mike Mills, e xuntos tocaron en varias bandas. O seu primeiro intento de facer carreira na música tivo moi curta vida, e ao rematar o instituto vendeu a súa batería e tanto el coma Mills buscáronse un traballo de día, alugando un apartamento xuntos. Berry e Mills mudáronse a Athens, Xeorxia en 1978, onde coñecerían a Michael Stipe e a Peter Buck.

R.E.M. (1980 - 1997)[editar | editar a fonte]

R.E.M. formaríase en 1980. A principios dos anos 90 converteríase nunha das bandas máis aclamadas do mundo. Á parte das súas tarefas coma batería, Berry contribuíu ocasionalmente coa guitarra, o baixo, as voces, os teclados e o piano nas gravacións de estudio. En directo ocasionalmente collía o baixo e adoitaba facer coros. Berry tamén fixo notables contribucións nas composicións, particularmente nos temas "Everybody Hurts" e "Man on the Moon", ambos incuídos no álbum Automatic for the People. Outras cancións súas son "Perfect Circle", "Driver 8", "Can't Get There From Here" e "I Took Your Name". Tamén "Leave" do álbum de 1996 New Adventures in Hi-Fi foi escrita por Berry, sendo este o seu último traballo coa banda.

Durante o ano 1984 Berry tamén foi batería da improvisada Hindu Love Gods, na que tamén estaban os seus compañeiros de R.E.M. Mike Mills e Peter Buck, xunto co roqueiro Warren Zevon.

Berry casou coa súa moza Mari o 22 de marzo de 1983. Divorciaríanse once anos despois sen ter fillos.

En 1995, no Patinoire Auditorium de Lausanne, Suíza, Berry derrumbouse no escenario durante un concerto de R.E.M. debido a un aneurisma cerebral. Recuperouse e volveu a unirse á banda, pero deixaríaa en outubro de 1997.