Berdeak

Na Galipedia, a Wikipedia en galego.
Saltar ata a navegación Saltar á procura

Berdeak (Verdes en éuscaro) é un partido ecoloxista que actúa na Comunidade Autónoma Vasca e Navarra, aínda que na práctica só ten infraestrutura en Biscaia e Guipúscoa.

Traxectoria[editar | editar a fonte]

Fundouse en 1992 como escisión dirixida por Juantxo Domínguez de Euskal Herriko Berdeak, foi ás eleccións autonómicas de 1994 en coalición con Ezker Batua. En 1995 participa no Congreso de refundación dos Verdes do Estado Español integrando a Confederación de los Verdes del Estado Español. En 1999 asínase a federación entre Berdeak e Ezker Batua que rompe no ano 2003, aínda así Ezker Batua rexistrara o nome Ezker Batua Berdeak co que se presentará a diferentes eleccións a pesar de non ter xa ningunha relación con Berdeak.

Eleccións[editar | editar a fonte]

  • Xerais 1993: 12.247 votos (1.04%)
  • Autonómicas 1994: integrados en Ezker Batua, Berdeak consegue 1 deputado.
  • Xerais 2000: 10.121 votos (0.91%)
  • Autonómicas 2005: 4.049 votos (0.33%), en coalición co Partido Antitaurino Contra el Maltrato Animal