Benjamin Lee Whorf

Na Galipedia, a Wikipedia en galego.
Benjamin Whorf
Datos persoais
Nacemento 24 de abril de 1897
Lugar Winthrop, Massachusetts
Falecemento 26 de xullo de 1941
Lugar Wethersfield, Connecticut
Residencia Estados Unidos
Actividade
Campo Lingüística
Contribucións e premios
Coñecido por Hipótese de Sapir–Whorf

Benjamin Lee Whorf (1897-1941) foi un lingüista estadounidense, pupilo de Edward Sapir, de quen tomaría a hipótese etnolingüística para levala ao que actualmente se coñece como a hipótese de Sapir-Whorf, unha teoría do relativismo lingüístico.

Biografía[editar | editar a fonte]

Benjamin Whorf estudou química no MIT e despois iniciou unha carreira de inspector de incendio para compañías de seguranza. Interesouse polos estudos lingüísticos bastante tarde na súa vida, seguindo os cursos de E. Sapir a partir de 1928, e logo foi asistente de Sapir na Universidade de Yale (1937-1938).

Investiga as linguas amerindias dos Estados Unidos e de México. Publica unha gramática da lingua hopi (estivera vivindo con eles en 1932), diversos estudos sobre os dialectos náhuatl, sobre a escritura xeroglífica maia, e o primeiro intento de reconstrución do utoasteca. Publica ademais a partir de 1936 un bo número de artigos en revistas de lingüística que trataban da hipótese Sapir-Whorf, das maneiras en que ao seu parecer os diversos sistemas lingüísticos afecten os sistemas de pensamento e os costumes de comportamento dos usuarios das linguas.

Morreu en 1941 e os seus textos, algúns entón aínda inéditos, foron reunidos nun volume, que apareceu en 1956 co título Language, Thought and Reality.