Benjamín Balboa López

Na Galipedia, a Wikipedia en galego.
Saltar ata a navegación Saltar á procura
Benjamín Balboa López
Nacemento19 de marzo de 1901
 Boimorto
Falecemento1976
 México
NacionalidadeEspaña
Ocupaciónmilitar
editar datos en Wikidata ]

Benjamín Balboa López, nado en Boimorto en 1901[a] e finado en México en 1976, foi un militar galego destacado durante a guerra civil española.

Traxectoria[editar | editar a fonte]

Nado o 19 de marzo de 1901 en Boimorto. Ingresou na Armada en 1916, ascendendo ao rango de cabo telegrafista en 1921 e a segundo contramestre en 1929.[3] Desde 1928 estivo afiliado á masonería.[4][3] Segundo algúns autores, tamén estaba afiliado ao PSOE.[5]

Cando se produciu o golpe de Estado do 18 de xullo de 1936 era oficial de 3.ª clase do Corpo auxiliar de radiotelegrafistas e estaba destinado na Estación de Radio do Ministerio de Marina, en Ciudad Lineal.[1] Estaba de garda[6] a madrugada do 18 de xullo e captou mensaxes dos militares insurrectos do Marrocos español dirixido ás garnicións da península.[7] Negouse a transmitir a mensaxe ás garnicións, e logo de informar directamente ao axudante do ministro José Giral, púxose en contacto cos buques e as bases da armada, poñéndoos en alerta.[8] Ademais, detivo ao seu oficial superior, que estaba implicado na conspiración militar. Grazas á súa decidida acción o ministerio logrou manter o contacto coa maioría de unidades da Marina de Guerra da República.[9] Durante a guerra foi por un tempo Subsecretario de Marina.[10]

Cando rematou a guerra marchou ao exilio por Port Bou. Estivo ingresado varios meses no campo de Argelès-sur-Mer e logo en Marsella. En 1941 exiliouse en México,[11] onde morreu a mediados de 1976.[12]

Vida perosal[editar | editar a fonte]

No exilio mexicano casou con Katja Landau,[13] antiga esposa do socialista austríaco Kurt Landau.[14] Un dos seus irmáns, José Balboa López, tamén era membro da armada e foi fusilado ao final da guerra civil.[15]

Notas[editar | editar a fonte]

  1. Algunhas fontes sinalan que naceu en 1900,[1] mentres que outras sinalan que naceu en Malpica en 1902.[2]
  1. 1,0 1,1 De Paz Sánchez 2004, p. 62.
  2. Lamela García 2002, p. 237.
  3. 3,0 3,1 Fernández 2000, p. 504.
  4. De Paz Sánchez 2004, pp. 16, 62.
  5. Montoliú Camps 2005, p. 40.
  6. Montoliú Camps 2005, pp. 40-41.
  7. Romeró Salvadó 2013, p. 224.
  8. Alpert 1987, pp. 39-40.
  9. Fernández 2000, p. 169.
  10. Miravitlles 2009, p. 129n.
  11. Fernández Díaz 2009, p. 41n.
  12. Pons Prades 2005, p. 357.
  13. Lustiger 2002, p. 159.
  14. Kurt Landau desaparecera sen deixar pegadas en Barcelona, logo dos Sucesos de maio de 1937.
  15. Fernández Díaz 2009, p. 40.

Véxase tamén[editar | editar a fonte]

Bibliografía[editar | editar a fonte]

  • Alpert, Michael (1987). La guerra civil española en el mar. Barcelona. ISBN 978-84-8432-975-6. 
  • Paz Sánchez, Manuel de (2004). Militares masones de España: diccionario biográfico del siglo XX. UNED Alzira-Valencia. 
  • Fernández, Carlos (2000). Alzamiento y guerra civil en Galicia: 1936-1939 1. Ediciós do Castro. 
  • Fernández Díaz, Victoria (2009). El exilio de los marinos republicanos. Universidad de Valencia. 
  • Lamela García, Luis (2002). A Coruña, 1936: memoria convulsa de una represión. Sada: Ediciós do Castro. 
  • Lustiger, Arno (2002). Flor del Viento Ediciones. Flor del Viento Ediciones. 
  • Miravitlles, Jaume (2009). D'Europa a Amèrica: dietari d'exili (1941-1945). Proa. 
  • Montoliú Camps, Pedro (2005). Madrid en la posguerra, 1939-1946: los años de la represión. Madrid: Sílex. 
  • Pons Prades, Eduardo (2005). Realidades de la Guerra Civil: mitos no, ¡hechos!. La Esfera de los Libros. 
  • Romero Salvadó, Francisco J. (2013). Historical Dictionary of the Spanish Civil War. The Scarecrow Press. ISBN 978-0-8108-5784-1. 
  • Thomas, Hugh (1976). Historia de la Guerra Civil Española. Barcelona: Círculo de Lectores. ISBN 84-226-0874-X. 

Ligazóns externas[editar | editar a fonte]