Nino Lema

Benigno Lema
Información persoal
Nome	Benigno Lema Mejuto
Nacemento	12 de setembro de 1964
Lugar de nacemento	Vigo
Posición	Defensa
Carreira xuvenil
	Gran Peña
	Arosa SC
	CD Alcoyano
Carreira sénior
Anos	Equipos	Aprs	(Gls)
1985–1987	Celta de Vigo	64	(1)
1987–1988	RCD Mallorca	3	(0)
1988-1989	CD Tenerife	37	(1)
1989-1990	RCD Espanyol	29	(0)
1990-1996	Rayo Vallecano	151	(0)
Adestrador
1998-1999	Torrellano CF
1999-2002	Santa Pola CF
2004-2006	CD Ciempozuelos
2006-2007	Pego CF
2007	FC Jove Español
2007-2008	CD Denia
2008	Alicante CF
2009-2010	CD Denia
2011-2012	Orihuela Club de Fútbol
Partidos e goles só en liga doméstica. [ editar datos en Wikidata ]

Benigno Lema Mejuto, nado en Vigo o 12 de setembro de 1964, é un exfutbolista e adestrador galego que xogaba na demarcación de defensa, máis coñecido como Nino Lema.

Traxectoria

Como futbolísta

Formouse nas categorías inferiores do Celta de Vigo, tras dúas cesións a Arosa SC e CD Alcoyano debutou co primeiro equipo o 31 de agosto de 1985 ante a Real Sociedad. Esa primeira tempada disputa 27 encontros, anotando un gol, o equipo rematou descendendo a Segunda División.

A tempada seguinte colabora ao ascenso disputando 37 encontros. Esta sería a súa última tempada en Vigo xa que na 1987/88 ficha polo RCD Mallorca. Porén non tería demasiada continuidade polo que ficha polo CD Tenerife, RCD Espanyol e Rayo Vallecano en anos sucesivos. Finalmente asentase no equipo madrileño, onde militou seis tempadas, alternando Primeira e Segunda División.

Como adestrador

Como técnico comezou adestrando o Club Deportivo Ciempozuelos, o Torrellano CF, Santa Pola CF, Pego CF e FC Jove Español, todos eles en Terceira División. Entre os anos 2007 e 2011 dirixiu o CD Denia, en Segunda División B, salvo unha breve aventura no Alicante CF na tempada 2008/09 na que foi destituído o 7 de decembro.

Na actualidade^[cando?] é mestre dos aspirantes a adestrador de fútbol da Federación de Fútbol da Comunidade Valenciana na súa delegación de Alacant.