Benigno Álvarez González

Na Galipedia, a Wikipedia en galego.
Benigno Álvarez González
Nacemento11 de marzo de 1900
Lugar de nacementoMaceda
Falecemento11 de marzo de 1937
Lugar de falecementoVixueses
NacionalidadeEspaña
Alma máterUniversidade de Santiago de Compostela
Ocupaciónveterinario e político
editar datos en Wikidata ]

Benigno Álvarez González, nado na vila de Maceda o 11 de marzo de 1900 e finado en Vixueses (Foncuberta, Maceda) o 11 de marzo de 1937, foi veterinario galego e o fundador da organización provincial do PCE en Ourense.

Traxectoria[editar | editar a fonte]

Fillo de Demetrio Álvarez, veterinario, que foi alcalde de Maceda entre 1913 e 1919. Estudou na escola pública de Maceda e trasladouse a Ourense para finalizar a ensinanza primaria. Marchou a Santiago de Compostela para facer o bacharelato e despois a carreira de Veterinaria. Unha vez finalizada en 1920, regresou a Maceda para axudar ao seu pai na clínica.

Durante os anos da República afiliouse ao Partido Comunista de España e acadou funcións políticas de gran transcendencia, con intervencións en vilas e cidades de toda Galiza. A súa orientación nacionalista fíxolle manter unhas boas relacións cos galeguistas daqueles anos, constituíndo unha ligazón entre comunistas e galeguistas.

Asasinato a mans do bando nacional[editar | editar a fonte]

Dende o golpe de Estado do 18 de xullo de 1936 foi perseguido ferozmente pola Garda Civil. Foi cando decidiu refuxiarse na serra de San Mamede, onde rematou os seus días horas antes de que o atopasen. Tanto a fuxida como a posterior morte de Benigno Álvarez, espertou un grande interese, até o punto que cando a Garda Civil atopou o seu cadáver o paseou por vilas e aldeas para que a xente vise como lle deran morte a quen chamaban Fiera Comunista.

Unha das prazas da súa vila natal leva o seu nome.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]