Bengt Thordeman
_during_an_excavation_of_the_Visby_mass_graves,_1928-1930_(cropped).jpg) Bengt Thordeman nas escavacións da Batalla de Visby (ca. 1928-1930). | |||||||||||
| Biografía | |||||||||||
|---|---|---|---|---|---|---|---|---|---|---|---|
| Nacemento | Bengt Johan Nerén Thordeman. 22 de setembro de 1893  Norrtälje Estocolmo. | ||||||||||
| Morte | 24 de marzo de 1990 (96 anos) Estocolmo. | ||||||||||
| Lugar de sepultura | Cemiterio vello de Uppsala. | ||||||||||
| Cargos | |||||||||||
| Presidente da Sociedade Numismática Sueca | |||||||||||
| Período | 1936 – 1947 | ||||||||||
| Director Nacional de Patrimonio de Suecia | |||||||||||
| Período | 1952 – 1960 | ||||||||||
| Datos persoais | |||||||||||
| País de nacionalidade |  Sueco. | ||||||||||
| Educación |  Universidade de Uppsala. | ||||||||||
| Q89547790 | Escavacións da Batalla de Visby. | ||||||||||
| Actividade | |||||||||||
| Campo de traballo | Arqueoloxía e estudo da historia da arte  | ||||||||||
| Ocupación | Anticuario, arqueólogo, numismático e historiador da arte. | ||||||||||
| Empregador | Universidade de Uppsala. | ||||||||||
| Membro de | Instituto Arqueolóxico Alemán. Asociación Científica Finlandesa. Real Academia das Ciencias de Suecia. Academia Real Sueca de Letras, Historia e Antigüidades. | ||||||||||
| Lingua | Sueco. | ||||||||||
| Familia | |||||||||||
| Cónxuxe | Karin Isabella Stavenow. | ||||||||||
| Fillos | Gunilla e Brigitta Thordeman. | ||||||||||
| Pais | Johan Victor Thordeman. e Hildegard Nerén. | ||||||||||
| Descrito pola fonte | Vem är det 1925 (en)  , (sec:Thordeman, Bengt Johan Nerén, p.751) >>>:Thordeman, Bengt Johan NerénVem är det 1933 (en) , (sec:Thordeman, Bengt Johan Nerén, p.839–840) >>>:Thordeman, Bengt Johan NerénVem är det 1939 (en) , (sec:Thordeman, Bengt Johan Nerén, p.828) >>>:Thordeman, Bengt Johan Nerén | ||||||||||
 | |||||||||||
Lista
| |||||||||||
Bengt Johan Nerén Thordeman, nado en Norrtälje, condado de Estocolmo, o 22 de setembro de 1893 e finado en Estocolmo o 24 de marzo de 1990, foi un anticuario, arqueólogo, historiador e numismático sueco,[1] que presidiu a Sociedade Numismática Sueca (1936-1947) e foi responsable da Dirección Nacional de Patrimonio (1953-1960).
Thordeman acadou sona como arqueólogo como responsable das escavacións das fosas comúns da Batalla de Visby, en Gotland.
Traxectoria
[editar | editar a fonte]Primeiros anos e formación
[editar | editar a fonte]Bengt Thordeman naceu na parroquia de Ununge, pertencente ao municipio de Norrtälje, no condado de Estocolmo, fillo de Hildegard Nerén e de Johan Victor Thordeman.[2][3] Pasou a súa infancia no barrio de Spånga, na capital sueca, onde o seu pai acabou sendo vigairo.[4]
Logo da súa educación secundaria, cursou estudos superiores de Historia da Arte e de Arqueoloxía na Universidade de Uppsala, onde en 1919 se licenciou,[4] e en 1921 acadou o seu doutoramento. Entre 1920 e 1926 foi profesor asociado de Historia da Arte e Arqueoloxía Medieval na mesma universidade.[2][4]
Carreira profesional
[editar | editar a fonte]En 1924, Bengt Thordeman incorporouse como asistente no Museo de Historia de Suecia. No seo desta institución, en 1933 accedeu á dirección do Gabinete Real de Moedas.[2][4] En 1952 foi nomeado Anticuario Nacional, responsable da Dirección Nacional do Patrimonio de Suecia (Riksantikvarieämbetet)[5] e do Museo de Historia de Suecia, cargo que ocupou ata a súa xubilación en 1960.[2][4]
Durante o tempo que Thordeman estivo adscrito ao Museo de Historia, publicou numerosos artigos culturais e colaboracións en xornais como Svenska dagbladet, que posteriormente se recolleron nunha publicación titulada Från helgedom till museum ("Do santuario ao museo"), editada en 1958 con motivo do seu 65 aniversario.[4][6]
Thordeman foi membro do Consello de Investigación en Humanidades (1952-1962) e presidente do Comité sobre Tecnoloxía Museística do Consello Internacional de Museos (1948-1955) e da xunta do Museo Nacional de Historia Marítima (1960-1964). Entre outras sociedades eruditas e entidades asociativas, presidiu a Sociedade Numismática Sueca (1936-1947)[7] e a Asociación Sueca de Museólogos (1948-1950) e a Sociedade Arqueolóxica Sueca (1951-1953), e foi membro da Sociedade de Anticuarios de Londres e da Royal Numismatic Society.[2]
Tamén foi elixido membro da Academia de Letras, Historia e Antigüidades de Suecia (1947) e da Academia de Ciencias (1957). Foi membro do Instituto Arqueolóxico Alemán e da Sociedade Científica Finlandesa, e vicepresidente do Instituto Sueco de Atenas (1959-1968).[2]
Traballos arqueolóxicos
[editar | editar a fonte]Como arqueólogo, o primeiro traballo salientable de Thordeman foi a dirección das escavacións do palacio medieval de Alsnö Hus,[8] na illa Adelsö, no lago Mälar, entre 1916 e 1920, para a que foi proposto por Oscar Almgren, daquela profesor de Arqueoloxía Nórdica na Universidade de Uppsala.[4]
Posteriormente dirixiu, entre 1928 e 1930, a escavación de varias fosas comúns da Batalla de Visby (1361), nas que se ensaiou o método exacto de escavación arqueolóxica sobre o terreo, que máis tarde se coñecería como o "método escandinavo". A partir de 1905 acháranse nas proximidades do campo de batalla cinco fosas comúns con máis dun milleiro de esqueletos, xunto coas súas pertenzas persoais e as súas armaduras.[9] Thordeman logrou documentar as fosas exhaustivamente e tamén publicou os seus achados, centrándose sinaladamente nas faldras de placas e nas manoplas blindadas descubertas, que reconstruíu e situou no seu contexto histórico armamentístico. A súa obra Armour from the Battle of Wisby 1361 ("Armaduras da Batalla de Wisby 1361"), publicada en dous volumes entre 1939 e 1940, foi a primeira publicación exhaustiva sobre este tema e aínda hoxe se considera un traballo de referencia sobre o tema.[10][11]
Vida persoal e morte
[editar | editar a fonte]Bengt Thordeman casou con Karin Isabella Stavenow (1899-1996), con quen tivo dúas fillas.[2][3]
Thordeman faleceu na parroquia de Engelbrekt, distrito de Östermalm, no centro de Estocolmo, o 24 de marzo de 1990, á idade de 96 anos.[4] O seu corpo soterrouse na tumba familiar da súa esposa no cemiterio vello de Uppsala.[12][6]
Publicacións
[editar | editar a fonte]Ademais dos seus artigos e colaboracións, compilados en Från helgedom till museum (1958), Thordeman foi autor de varios traballos monográficos.[13]
Escolma de monografías
[editar | editar a fonte]- (1920). Alsnö hus, ett svenskt medeltidspalats i sitt konsthistoriska sammanhang. Norstedt & söner, Estocolmo.
- (1923). Kyrkoarkitekturens härledning. Uppsala.
- (1930). Norddeutsche Kunst in schwedischen Kirchen. Estocolmo.
- (1939-1940). Armour from the Battle of Wisby 1361. Tomo I (1939); Tomo II (1940). Uppsala.
- (1941). Dolda skatters hemlighet. Bonnier, Estocolmo.
- (1943). Vaaben. Bonnier, Estocolmo.
- (1944). Invasionen på Gotland 1361. Gebers förlag, Copenhague.
- (1954). Erik den Helige. Historia, kult, reliker. Estocolmo.
- (1958). Från helgedom till museum. Resor i tid och rum. Kungl. Vitterhetsakademien, Estocolmo.
Notas
[editar | editar a fonte]- ↑ "Thordeman, Bengt (1893-1990)". Bibliothèque nationale de France (BNF.fr).
- ↑ 2,0 2,1 2,2 2,3 2,4 2,5 2,6 Lagerström, S. (red.) (1968).
- ↑ 3,0 3,1 "Bengt Johan Nerén Thordeman". MyHeritage.se
- ↑ 4,0 4,1 4,2 4,3 4,4 4,5 4,6 4,7 "Bengt Thordeman (1893 – 1990)". Riksarkivet.se
- ↑ "Riksantikvarieämbetets historia". RAA.se
- ↑ Véxase "(1958)" en "Publicacións".
- ↑ "SNF:s ordföranden genom tiderna". Svenska Numismatiska Föreningen (Numismatik.se).
- ↑ "Alsnö". Historiska.se.
- ↑ Brock, T.; Homann, A. (2011) ."Schlachtfeldarchäologie. Auf den Spuren des Krieges". En Archäologie in Deutschland, Sonderheft-archäologie. Vol. 2. Konrad Theiss Verlag, Stuttgart. Páxina 14.
- ↑ Price, B. (2001). "Introduction to the 2001 reprint". En Thordeman, B. Armour from the Battle of Wisby 1361. Tomo 2. (2ª ed). Chivalry Bookshelf. Páxinas 1-2. ISBN 978-1891448058
- ↑ Véxase "(1939-1940) en "Publicacións".
- ↑ "Thordeman, Bengt". Svenskagravar.se
- ↑ Biografía compilada por Maja Lundqvist. En Thordeman, B. (1958). Från helgedom till museum. Resor i tid och rum. Kungl. Páxinas 181-198.
Véxase tamén
[editar | editar a fonte]Bibliografía
[editar | editar a fonte]- Lagerström, S. (red.) (1968). "Thordeman, Bengt". En Vem är det: Svensk biografisk handbok / 1969. Páxina 950. P A Norstedt & Söners förlag, Estocolmo..
