Ben Nicholson
  | |
| Biografía | |
|---|---|
| Nacemento | 10 de abril de 1894 Buckinghamshire |
| Morte | 6 de febreiro de 1982 (87 anos) Londres |
| Lugar de sepultura | Crematorio de Golders Green |
| Educación | Slade School of Fine Art (pt)  Escola Gresham (pt) |
| Actividade | |
| Campo de traballo | Pintura |
| Ocupación | pintor, deseñador, escultor, artista |
| Período de actividade | 1912 - 1982 |
| Membro de | |
| Xénero artístico | Arte abstracta |
| Movemento | Arte abstracta |
| Representante | Artists Rights Society |
| Participou en | |
| 28 de xuño de 1964 | Documenta III |
| 16 de xullo de 1955 | documenta 1 |
| Obra | |
| Arquivos en | |
| Familia | |
| Cónxuxe | Barbara Hepworth (1938–1951) Winifred Nicholson (1920–1938) |
| Fillos | Kate Nicholson (  ) Winifred Nicholson |
| Pais | William Nicholson e Mabel Pryde |
| Irmáns | Nancy Nicholson Christopher Nicholson |
| Premios | |
      | |
Ben Nicholson, nado en Buckinghamshire o 10 de abril de 1894 e finado en Londres o 6 de febreiro de 1982, foi un pintor e escultor inglés.[1]
Traxectoria
[editar | editar a fonte]Fillo do pintor William Nicholson, naceu en Denham, en Buckinghamshire. Estudou en varias escolas de Londres, contemporaneamente con Paul Nash, Stanley Spencer, Mark Gertler e Edward Wadsworth, en La Tour e en Milán, e finalmente tamén en Pasadena.
Mantívose moi vinculado ás experiencias neoplásticas, consolidándose como un dos pintores abstracto-xeométricos máis importantes do seu tempo.
O seu primeiro traballo foi como debuxante teatral en 1904, producindo as imaxes e os carteis para a peza Peter Pan de J. M. Barrie; ao seu pai encargáronlle os esbozos da escenografía e do vestiario.
O seu problema coa asma permitiulle evitar o servizo militar durante a primeira guerra mundial, o que lle ofreceu a oportunidade de viaxar: en 1917, debido a unha operación das amígdalas, tivo que desprazarse aos Estados Unidos, onde permaneceu aproximadamente un ano. Durante a súa estada no estranxeiro, o seu irmán Anthony morreu en combate e a súa nai faleceu debido a unha gripe non tratada.
En 1922 conseguiu expoñer os seus traballos por primeira vez en Londres, nos cales se nota a influencia do cubismo e un estilo primitivo derivado de Henri Rousseau. En Londres Nicholson coñeceu a escultora Barbara Hepworth (con quen estivo casado de 1938 a 1951) e o escultor Henry Moore.
Unha influencia notable na súa traxectoria proveu do encontro con Piet Mondrian, que o orientou cara a unha dirección abstracta do cubismo. A súa maior peculiaridade reside no feito de ter conseguido conxugar estas tendencias europeas nun estilo persoal.
En 1955 tivo unha exposición individual na Tate Gallery de Londres.
Tres anos máis tarde, mudouse a Suíza tras casar con Felicitas Vogler; nos anos setenta, tras a separación, regresou a Cambridge.
Morreu en Londres en 1982; as súas cinzas atópanse no cemiterio de Golders Green.[2][3]
Vida persoal
[editar | editar a fonte]Nicholson casou tres veces e tivo seis fillos, entre eles o pintor e escultor Simon Nicholson.
Notas
[editar | editar a fonte]- ↑ Encyclopaedia Britannica (ed.). "Ben Nicholson". Consultado o 7 de xullo de 2026.
- ↑ Artnet.com (ed.). "Ben Nicholson". Consultado o 7 de xullo de 2026.
- ↑ Jeremy Lewison, Ben Nicholson, Londres, Phaidon Press, 1991 (Inglés)
| Control de autoridades |
|
|---|
