Belly é unha banda estadounidense de rock alternativo fundado en Rhode Island en 1991 pola antiga membro de Throwing Muses e The BreedersTanya Donelly. A formación orixinal consistía en Donelly nas voces e na guitarra, Fred Abong no baixo, e os irmáns Tom e Chris Gorman na guitarra e na batería respectivamente.[1] A banda publicou dous álbums durante o estoupido do rock alternativo de principios dos 90 antes de separarse en 1995. Belly reuniuse en 2016 e realizou pequenas xiras polos Estados Unidos e o Reino Unido ese ano.
Os catro membros orixinais coñecéranse no instituto en Aquidneck Island, Rhode Island. Os irmáns Gorman e Abong procedían da escena hardcore de Newport (os Gormans tocaran en Verbal Assault, Abong in Vicious Circle). Donelly anteriormente fora membro de dúas bandas indie baseadas en Boston, Throwing Muses e The Breeders. En 1993 editaron o seu álbum de estrea, Star, e o seu sinxelo principal "Feed the Tree" sería a canción máis exitosa de Belly, chegando ao número 1 da lista da BillboardModern Rock Tracks e ao 95 da Hot 100. Varios sinxelos máis do disco tamén chegaron á Modern Rock Tracks.
Pouco despois do lanzamento de Star, Abong deixou o grupo e foi substituído por Gail Greenwood. A banda editou o seu segundo álbum, King, a principios de 1995 e separouse a finais dese ano, iniciando Donelly unha longa carreira en solitario. Tanya reformou Belly en 2016[1] coa mesma formación que gravou King, e a banda publicou o seu terceiro álbum, Dove, en 2018.
